ՀԱՊԿ ԱԱՀՈՒ շրջանակներում 2010թ. վարժանքները կանցկացվեն առանձին գերատեսչությունների ձևաչափով. Բորդյուժա
ԵՐԵՎԱՆ, 24 նոյեմբերի. /Նովոստի-Արմենիա/. Հավաքական անվտանգության պայմանագրի կազմակերպության Արագ արձագանքման հավաքական ուժերի շրջանակներում 2010թ. վարժանքները կանցկացվեն առանձին գերատեսչությունների ձևաչափով, երեքշաբթի Երևանում լրագորղներին ասաց ՀԱՊԿ գլխավոր քարտուղար Նիկոլայ Բորդյուժան:
«Հաջորդ տարի մենք ենթադրում ենք զորավարժություններ անցկացնել ըստ բաղկացուցիչների, այսինքն՝ ՌԴ-ում կանցկացվեն ԱԱՀՈՒ ռազմական բաղադրամասի զորավարժություններ»,- ասաց Բորդյուժան:
Արագ արձագանքման հավաքական ուժերը բաղկացած են երկու բաղադրամասից՝ ԶՈՒ զորամիավորումներից և անվտանգության մարմինների և իրավապահ մարմինների հատուկ նշանակության ուժերից:
«Հաջորդ տարի նախատեսվում են զորավարժություններ ըստ գերատեսչությունների. ՌԴ-ում՝ ԱԱՀՈՒ ռազմական բաղկացուցչի, ինչպես նաև նախատեսվում են զորավարժություններ անվտանգության հակաահաբեկչական ստորաբաժանումների, ԱԻՆ և ՆԳ մարմինների գծով»,- ասաց ՀԱՊԿ գլխավոր քարտուղարը:
Նրա խոսքով՝ ևս մեկ տարի անց (2011 թ.-ին) ՀԱՊԿ-ն ծրագրում է համալիր զորավարժություններ՝ այդ բոլոր բաղադրիչների գործածմամբ:
«Թե որտեղ դրանք կանցկացվեն, առայժմ ասել չեմ կարող»,- նշեց Բորդյուժան:
ԱԱՀՈՒ առաջին զորավարժություններն անցկացվել են 2009 թ.-ին Ղազախստանում: -0-