ՀԿԵ-ի ուղևորաշրջանառությունը հոկտեմբերին իրականացվել է 110,4 տոկոսի սահմաններում

«Հարավկովկասյան» ՓԲԸ-ի պլանային-տնտեսական ծառայության կողմից տրամադրված օպերատիվ տվյալների համաձայն՝ ընթացիկ տարվա հոկտեմբերին ՀԿԵ-ի ուղևորաշրջանառությունն իրականացվել է 110,4 տոկոսի սահմաններում՝ կազմելով 2311,4  ուղևոր/կմ` ծրագրված 2093,9 ուղևոր/կմ-ի փոխարեն, հաղորդում է ընկերության մամուլի ծառայությունը:

Միջպետական հաղորդակցությունում ուղևորաշրջանառությունն իրականացվել է 90,2 տոկոսի սահմաններում՝ կազմելով 396,5 ուղևոր/կմ` ծրագրված 439,8 ուղևոր/կմ-ի փոխարեն:

Տեղական հաղորդակցությունում ուղևորաշրջանառությունն իրականացվել է 115,8 տոկոսի սահմաններում՝ կազմելով 1914 հազար ուղևոր/կմ` ծրագրված 1654,1 ուղևոր/կմ-ի փոխարեն:

Նշված ժամանակահատվածում միջպետական հաղորդակցությունում ուղևորների տեղաշարժը կազմել է 1,3 հազար ուղևոր, տեղական հաղորդակցությունում՝ 63,8 հազար ուղևոր:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0—