«Կրթություն բոլորի համար» միջազգային տարածաշրջանային համաժողովը կանցկացվի Ծաղկաձորում

Կրթության որակի բարձրացման և ուսումնական ծրագրերի մշակմանը նվիրված «Կրթություն բոլորի համար» միջազգային տարածաշրջանային համաժողովը կանցկացվի Ծաղկաձորում սեպտեմբերի 29-ից 30-ը, երկուշաբթի «Նովոստի-Արմենիա» գործակալությանը տեղեկացրեցին ՀՀ ԱԳՆ-ի մամուլի ծառայությունից:

Համաժողովի կազմակերպիչներն են ՀՀ կրթության և գիտության նախարարությունը, Մոսկվայում ՅՈՒՆԵՍԿՕ-ի գրասենյակը և Ժնևում Կրթության միջազգային բյուրոն:

Միջոցառման համակազմակերպիչներն են ՀՀ արտաքին գործերի նախարարությունը և ՅՈՒՆԻՍԵՖ-ի հայաստանյան գրասենյակը:

Համաժողովին կմասնակցեն  փորձագետներ ԱՊՀ երկրներից` ՌԴ, Բելառուս, Ուկրաինա, Մոլդովա, Միջին Ասիայի երկրներ, ինչպես նաև ՅՈՒՆԵՍԿՕ-ի և Կրթության միջազգային բյուրոյի ներկայացուցիչներ:

«Կրթություն բոլորի համար» խորագրով տարածաշրջանային համաժողովի նպատակն է քննարկել և վերլուծել տարածաշրջանում կրթության որակի հետ կապված խնդիրները և նորարարական մոտեցումները: Համաժողովի նպատակն է ԱՊՀ երկրներում համաձայնեցնել կրթության որակի բարձրացմանը և ներառական կրթությանն ուղղված ընդհանուր մոտեցումները, մշակել ուսուցման համապատասխան մեթոդներ մանկավարժական համալսարանների, օրենսդիր մարմինների և ոլորտի պատասխանատուների համար: -0-