Սինգապուրի ավագ նախարարը եռօրյա այցով կժամանի Հայաստան

Սեպտեմբերի 17-19-ը ՀՀ նախագահ Սերժ Սարգսյանի հրավերով եռօրյա պաշտոնական այցով Հայաստան կժամանի Սինգապուրի ավագ նախարար Լի Կուան Յուն, հաղորդում է ՀՀ ԱԳՆ մամուլի ծառայությունը:

Տեղեկատվության համաձայն՝ այցը տեղի կունենա ՀՀ ազգային մրցունակության խորհրդի աջակցությամբ:

Այցի ընթացքում Սինգապուրի ավագ նախարար Լի Կուան Յուն հանդիպում կունենա Հայաստանի նախագահ Սերժ Սարգսյանի հետ:

Սինգապուրի ավագ նախարարը կայցելի նաև Մայր Աթոռ Սուրբ Էջմիածին, ուր կհանդիպի Ամենայն Հայոց Գարեգին Բ կաթողիկոսի հետ:

Լի Կուան Յուն կմասնակցի ՀՀ ազգային մրցունակության խորհրդի նիստին, որը կվարի Հայաստանի վարչապետ Տիգրան Սարգսյանը:

Բացի այդ նախատեսված է նաև Լիան Կուան Յուի հանդիպումը հայ գործարարների հետ:

Լի Կուան Յուն համարվում է Սինգապուրի տնտեսական հրաշքի «հայրերից» մեկը:-0-