Հայաստանի վարչապետը հանձնարարել է նվազագույնի հասցնել թունավորման ռիսկերը մանկապարտեզներում ու դպրոցներում

ՀՀ վարչապետ Տիգրան Սարգսյանը հանձնարարել է նվազագույնի հասցնել թունավորման ռիսկերը մանկապարտեզներում ու դպրոցներում:

Ինչպես ասաց վարչապետը հինգշաբթի կառավարության նիստի ժամանակ, վերջին իրադարձությունները Սիսիանի մանկապարտեզում, որտեղ երեխաներ էին թունավորվել, պետք է լուրջ մտահոգություն առիթ տան կառավարության բոլոր անդամներին:  

«Մենք ձեզ հետ պետք է քննարկենք, թե ինչ լրացուցիչ քայլեր է պետք ձեռնարկել Հայաստանի մանկապարտեզներում ու դպրոցներում նման դեպքերի կրկնությունը բացառելու համար: Սիսիանի դեպքերը ցույց են տալիս, որ մենք դեռ ունենք խնդիրներ, որոնք պետք է լուրջ քննարկումների առարկա դառնան և որոնց լուծման համար կառավարությունը պետք է լրացուցիչ միջոցներ ձեռնարկի նման ռիսկերը նվազագույնի հասցնելու համար»,- հայտարարեց Սարգսյանը:      

Վարչապետը առողջապահության ու գյուղատնտեսության նախարարությունների ներկայացուցիչներին հանձնարարել է հարցի համատեղ քննակում անցկացնել մայրաքաղաքայի քաղաքապետարանի մասնակցությամբ՝ ուսումնասիրելու համար  իրավիճակը հայկական դպրոցներում ու ձեռնարկելու համար բոլոր անհրաժեշտ միջոցառումները՝ իրավիճակի կրկնությունը բացառելու համար:

Սեպտեմբերի 5-ին Սիսիանի հիվանդանոցի ինֆեկցիոն բաժանմունք է հոսպիտալացվել մանկապարտեզից մեկի սաները` աղիքային երևույթներով: Նախնական ախտորոշմամբ արձանագրվել է սննդային տոքսիկոինֆեկցիա:

Ձեռնարկվել են հակահամաճարակային մի շարք միջոցառումներ (հիվանդների վաղ հայտնաբերման և հիվանդությունը կանխելու նպատակով իրականացվել են բակային համայցեր, կատարվել է օջախների ախտահանում, մանկապարտեզի ողջ անձնակազմը ենթարկվել է մանրէաբանական հետազոտության, ինչպես նաև մանկապարտեզում եղած սննդամթերքի լաբորատոր քննություն):

Արդյունքում հոսպիտալացված 25 երեխաներից 10-ի մոտ մանրէաբանական հետազոտության արդյունքում անջատվել է դիզենտերիայի հարուցիչ շիգելա զոննե:--0--