Կոռուպցիան նվազագույնի կհասցվի Հայաստանի պետական տնտեսագիտական համալսարանում. ռեկտոր

ԵՐԵՎԱՆ, 26 օգոստոսի. /Նովոստի-Արմենիա/. Հայաստանի պետական տնտեսագիտական համալսարանում կոռուպցիան նվազագույնի կհասցվի, հավաստիացրեց համալսարանի ռեկտոր, տնտեսագիտական գիտությունների դոկտոր, պրոֆեսր Յուրի Սուվարյանը։

«Մենք ձեռնարկում ենք բոլոր քայլերը, որպեսզի համալսարանում բացառենք կոռուպցիան կամ հասցնենք այն նվազագույնի։ Ես համաձայն չեմ այն կարծիքի հետ, թե մեր բուհը Հայաստանի ամենակոռումպացված բուհերից է, թեև ես չեմ բացառում, որ կառուպցիոն երևույթներ կան համալսարանում»,- չորեքշաբթի մամուլի ասուլիսի ժամանակ ասաց Սուվարյանը։

ՀՊՏՀ ռեկտորի խոսքերով, համալսարանում կոռուպցիոն ռիսկերի բացառման համար համալսարանում 2006 թվականից անցել են գիտելիքների ստուգման գրավոր համակարգի, իսկ ներկայում բուհում ներդրվում է թեստավորման ամբողջովին ավտոմատացված համակարգ։ Ինչպես կարծում է Սուվարյանը, նմանատիպ համակարգի ներդրումը նվազագույնի է հասցնում ուսանողի շփումը դասախոսի հետ և էապես կրճատում է կոռուպցիայի հնարավորությունը։

ՀՊՏՀ ռեկտորը տեղեկացրեց, որ թեստավորման ավտոմատացված համակարգի շրջանակներում մշակվել է հատուկ թեստային համակարգ։ Շնորհիվ համակարգի, ուսանողը հատուկ գաղտնագրով ստանում է անհատական թեստ-առաջադրանք, հայտնեց Սուվարյանը։ Նրա խոսքերով, տվյալ համակարգի ներդրման համար համալասարանը ձեռք է բերել 90 նոր համակարգիչ, և ստեղծվել է հատուկ կաբինետ։

«Բոլորը պետք է հասկանան, որ դիպլոմ գնելն անիմաստ է, քանի որ, միայն բավարար գիտելիքներ ունենալով, կարելի է աշխատանքի տեղավորվել։ Մենք իներցիայով խորհրդային ժամանակներից սովոր ենք մտածելու, թե դիպլոմն ամեն ինչ որոշում է»,- նշեց Սուվարյանը։

Կառավարութոյան որոշումով ինստիտուտը վերանվանվել է Հայաստանի պետական տնտեսագիտական համալսարան 2005 թվականի հունիսի 8-ին։ Ներկայում համալսարանում գործում է 29 ամբիոն ընդգրկող 5 ֆակուլտետ, ինչպես նաև ասպիրանտուրա։ Համալսարանում սովորում է ավելի քան 6 հազար ուսանող։

Իր գոյության ընթացքում համալսարանը պատրաստել է ավելի քան 30 հազար մասնագետ, ովքեր աշխատում են Հայաստանի տնտեսագիտության, գիտության, կրթության, մշակույթի ոլորտներում։ -0-