Գյումրիի եկեղեցուց խաչ գողացած անձը երկու մոմ է վառել մեղքերի թողության համար

Գյումրիի «Յոթ Վերք» եկեղեցուց երկուշաբթի գիշերը իրականացված կողոպուտը մեծ իրարանցում էր առաջացրել քաղաքում իր անսովորությամբ:

Ինչպես հաղորդում է Հայաստանի հանրայի հեռուստաընկերությունը (ՀՀՀ), գողը ներխուժել է եկեղեցի պատուհանով, գողացել խաչն ու ժամերգության համար նախատեսված իրերը, իսկ հեռանալուց առաջ երկու մոմ է վառել մեղքերի թողության համար:

Հենց այս անսովոր արարքն է թույլ տվել հետախույզներին կազմել կասկածյալի հոգեբանական պատկերն ու բացահայտել հանցագործությունը տաք հետքերով:

ՀՀՀ-ի տվյալներով՝ գողոնն արդեն առգրավված է և շուտով կվերադարձվի եկեղեցուն:

Փաստի առթիվ հարուցվել է քրեական գործ ՀՀ ՔՕ-ի 177-րդ հոդվածի երկրորդ մասի երրորդ կետի (գողություն՝ բնակարան, պահեստ կամ շինություն ապօրինի մուտք գործելով) հատկանիշներով:

Սա վերջին տասը տարվա ընթացքում «Յոթ Վերք» եկեղեցուց կատարված արդեն երրորդ գողության դեպքն է:-0-