Արվեստի հայ գործիչների ցուցահանդեսը կանցկացվի 2010 թվականի հոկտեմբերին Բուդապեշտում

ԵՐԵՎԱՆ, 23 հուլիսի. /Նովոստի-Արմենիա/. Արվեստի հայ գործիչների ցուցահանդեսը կանցկացվի 2010 թվականի հոկտեմբերին Բուդապեշտում, հինգշաբթի «Նովոստի» միջազգային մամուլի կենտրոնում հայտնեց Հունգարիայից անկախ կուրատոր, ցուցահանդեսի կազմակերպիչ Սառա Ստենցեռը։

«Ներկայումս կազմակերպչական հարցեր են լուծվում, սահմանվում  է ցուցադրության թեման, ուղղությունը, բովանդակությունը, ընտրվում են ոչ միայն աշխատանքներն, այլև հենց արվեստի գործիչները, ովքեր պետք է ներկայացնեն իրենց ստեղծագործությունները ցուցահանդեսում»,- ասաց նա։

Ստենցեռը նշեց, որ ցուցահանդեսը պետք է կազմակերպված լինի այնպես, որ հեղինակն անձամբ կարողանա պարզաբանումներ տալ այցելուներին, ինչպես նաև անհրաժեշտ ուղղումներ կատարել նման անհրաժեշտության դեպքում։

Կուրատորը տեղեկացրեց, որ ցուցահանդեսը կլինի խմբակային և թեմատիկ, սակայն դրա կոնկրետ բովանդակությունը կախված կլինի աշխատանքների ընտրությունից, որն արդեն ընթանում է Հայաստանում։

Ստենցեռը նշեց նաև, որ ցուցադրությունը նախատեսվում է հետագայում ներկայացնել Փարիզում, ինչի կապակցությամբ համապատասխան բանակցություններ են տարվում։ -0-