ԵՄ-ն պատրաստ է աջակցել ղարաբաղյան հակամարտության կողմերի միջև ստորագրվելիք համաձայնագրի իրականացմանը, երկուշաբթի Երևանում ճեպազրույցի ժամանակ ասաց ԵՄ Եռյակի պատվիրակության ղեկավար, Շվեդիայի Թագավորության արտաքին գործերի նախարար Կառլ Բիլդտը:
«ԵՄ-ն պատրաստ է աջակցել այն համաձայանագրի իրականացմանը, որը, հուսանք, մոտ ժամանակներում կստորագրվի ղարաբաղյան հակամարտության վերաբերյալ»,- ասաց Բիլդտը:
Նա նշեց, որ ԵՄ-ն անհամբերությամբ սպասում է Հայաստանի և Ադրբեջանի նախագահներ Սերժ Սարգսյանի և Իլհամ Ալիևի՝ հուլիսի 18-ին Մոսկվայում կայացած բանակցությունների շարունակությանը:
«Գործընթացն առաջ է շարժվում, և ես կարծում եմ, որ պետք է խրախուսել այս փաստը»,- ասաց Բիլդտը:
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրեցին նրան, որ վերացավ հսկողությունը ոչ միայն Լեռնային Ղարաբաղում, այլև հարակից յոթ շրջանում:
1994թ. մայիսի 12-ին զինադադարի վերաբերյալ կնքված եռակողմ համաձայնագրից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ մահացավ շուրջ 25-30 հազար մարդ, և մոտ մեկ միլիոնն ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվայանից ի վեր հակամարտության խաղաղ կարգավորման ուղղությամբ բանակցություներ են տարվում ԵԱՀԿ Մինսկի խմբի շրջանակներում, որոնց համանախագահներն են ԱՄՆ-ն, Ռուսաստանը և Ֆրանսիան:-0-
