Ակտիվ քաղաքական գործունեություն ծավալող վեց կանանց մասին պատմող փաստագրական ֆիլմ է ցուցադրվել Հայաստանի տասը մարզում
Մեր երկրում ակտիվ քաղաքական գործունեություն ծավալող վեց կանանց մասին պատմող փաստագրական ֆիլմ է ցուցադրվել Հայաստանի տասը մարզում, երկուշաբթի տեղեկացրեցին «Կարողություն և զարգացում հանուն քաղաքացիական հասարակության» հասարակական կազմակերպության ներկայացուցիչները ՀՀ ԱԺ փոխնախագահ Արևիկ Պետրոսյանի հետ հանդիպման ընթացքում։
Հանդիպմանը ներկա էր նաև ՀՀ-ում Մեծ Բրիտանիայի արտակարգ և լիազոր դեսպան Չառլզ Լոնսդեյլը։
Ինչպես «Նովոստի-Արմենիա» գործակալությանը հայտնեցին Ազգային Ժողովի հասարակայնության հետ կապերի վարչությունից, «Կարողություն և զարգացում հանուն քաղաքացիական հասարակության» հասարակական կազմակերպությունն իրականացնում է «Կին առաջնորդները հանուն հավասարության» ծրագիրը, որը ֆինանսավորում է ՀՀ-ում Մեծ Բրիտանիայի դեսպանությունը:
Ծրագրի հիմնական նպատակն է կանանց դերակատարության բարձրացումը հասարակական-քաղաքական կյանքում։ Ծրագրի շրջանակներում նկարահանվել է փաստագրական ֆիլմ, որը ներկայացնում է մեր երկրում ակտիվ քաղաքական գործունեություն ծավալող վեց կանանց՝ նրանց թվում ԱԺ փոխնախագահ Արևիկ Պետրոսյանին և պատգամավոր Լարիսա Ալավերդյանին։
Ֆիլմը ցուցադրվել է ՀՀ 10 մարզերում, 40 և ավել համայնքներում և ըստ հասարակական կազմակերպության այն ընդունվել է մեծ հետաքրքրությամբ և ոգևորությամբ: Ֆիլմին հաջորդել է եռօրյա սեմինար-քննարկումներ նշված համայնքներից ընտրված 40 ամենաակտիվ աղջիկների և կանանց մասնակցությամբ:
Ողջունելով հյուրերին՝ ԱԺ փոխնախագահ Արևիկ Պետրոսյանը նախ նրանց ծանոթացրեց Հայաստանի օրենսդիր իշխանության կառուցվածքին ու գործունեությանը։
Նշելով, որ տարբեր կուսակցություններից 12 կին պատգամավոր է ընտրվել, տիկին Պետրոսյանն ասաց, որ նրանց մասնակցությունը խորհրդարանի աշխատանքներին ակտիվ է, իսկ ձեռագիրը՝ ակնհայտ։
ԱԺ փոխնախագահը հույս հայտնեց, որ համագործակցությունը հասարակական կազմակերպություն հետ կշարունակվի։
Կազմակերպության կողմից իրականացված ծրագրի մասնակիցներինիսկ ծրագրում նշանակալից ավանդի համար ֆիլմի մասնակիցներին` շնորհակալագրեր։ -0-
