Բեռնափոխադրումները Հարավկովկասյան երկաթուղով 2009 թվականի հունիսին գերակատարվել են

Համաձայն «ՀԿԵ» ՓԲԸ Ֆիրմային տրանսպորտային սպասարկման ճանապարհային կենտրոնի կողմից տրամադրված օպերատիվ տվյալների՝ 2009 թ. հունիս ամսվա ընթացքում Հարավկովկասյան երկաթգծով ծրագրված 258 400 տոննայի փձոխարեն փոխադրվել է 260 860 տոննա բեռ:

Ընդհանուր առմամբ հունիս ամսվա բեռնաշրջանառությունը կազմել է 59 824 458 տոննա: Այսպիսով՝ 2009 թ. հունիսին բեռնափոխադրումները  իրագործվել են 101,0% - ով:

Հունիս ամսվա ընթացքում արտահանման հաղարդակցությունում փաստացիորեն փոխադրվել է 29 588 տոննա բեռ, ինչը կազմում է պլանավորած բյուջեի 50,5%-ը: Հիմնական փոխադրվող բեռներն են՝ ցեմենտ, շինանյութ,  մետաղի ջարդոն, արդյունաբերական հումք և մետաղական կոնցենտրատ:

Ներկրման հաղորդակցությունում փաստացիորեն փոխադրվել է 101 900 տոննա բեռ` նախատեսված 99 300 տոննայի փոխարեն, ինչը կազմում է պլանավորած բյուջեի 102%-ը: Հիմնական փոխադրվող բեռներն են` շաքարավազ, ցորեն, նաֆթալից բեռներ, հանքային պարարտանյութ և մետաղ:

Ներքին հաղորդակցությունում փաստացիորեն փոխադրվել է 103 147 տոննա բեռ, ինչը կազմում է պլանավորած բյուջեի 102%-ը: Հիմնական փոխադրվող բեռներն են` արդյունաբերական հումք, ցեմենտ և գունավոր մետաղի հանքաքար:

«Հարավկովկասյան երկաթուղի» ՓԲԸ-ն «Ռուսական երկաթուղիներ» ԲԲԸ-ի հարյուրտոկոսանոց դուստրն է։ՀԿԵՈՒ-ն իր բալանսում ընդունել է ՀԵՈՒ շարժակակազմը 2008թ. հունիսի մեկից՝ «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով՝ 2008թ. փետրվարի 13-ի կոնցեսիոն պայմանագրին համապատասխան:--0--