546.68
6.3
482.12
-7
Եղանակը Երևանում
Հայ

Պաշտոնական Բաքուն ձգտում է խեղաթյուրել Ղարաբաղյան հակամարտության էությունը, կարծում են Ստեփանակերտում

20:13
07 Հուլիսի 2009

ԵՐԵՎԱՆ, 7 հուլիսի. /Նովոստի-Արմենիա/. Պաշտոնական Բաքուն ձգտում է խեղաթյուրել Ղարաբաղյան հակամարտության էությունը, ասվում է Հակամարտության վերափոխման և վստահության միջոցների կառուցման ռեսուրս-կենտրոնի Ստեփանակերտի խորհրդի, ԼՂՀ փորձագետների խորհրդի և գործընկեր ոչ կառավարական կազմակերպությունների՝ «Նովոստի-Արմենիա» գործակալություն  ուղարկված հայտարարության մեջ։ 

Մի շարք ոչ կառավարական կազմակերպությունների առաջնորդներն ու փորձագետները քննարկել են իրավիճակը, որը ստեղծվել է Ղարաբաղյան հակամարտության կողմերի միջև վստահության կառուցման հասարակական գործընթացում։

«Վերջին իրադարձությունների և բազմամյա խաղաղարարա գործընթացի ընդհանուր պատկերը միանշանակ եզրակացության հանգեցրեց. Խաղաղարար գործընթացի զարգացումը հակամարտության մեջ ընդգրկված Հայաստանի, Ադրբեջանի ու ԼՂՀ հասարակությունների երկխոսության մակարդակում ակնհայտ բացասական դինամիկա ունի»,- ասվում է հայտարարության մեջ։ 

Նման եզրակացություններ արվել են՝ ելնելով հետևյալ գործոններից. «Ադրբեջանի ջանքերով, ի դեմս նրա իշխանության, սկզբում պաշտոնական բանակցային մակարդակում, հետո նաև հասարակական երկխոսության մակարդակում նորից սկսեց ակտիվ գործադրվել «միջհամայնքայնության» հասկացությունը։ Այսինքն՝ ակներև է պաշտոնական Բաքվի ինտենսիվ ու պնդերես փորձերը՝ խեղաթյուրել Ղարաբաղյան հակամարտության էությունը, վերափոխել հակամարտության փաստացի եռակողմ ձևաչափը՝ այն դարձնելով երկկողմ, իսկ Ղարաբաղյան հանրության ներկայացուցիչներին ներկայացնել որպես Ղարաբաղի հայկական համայնք»,- նշվում է փաստաթղթում։ 

Բացի այդ, հաղորդագրության համաձայն, Ադրբեջանի քաղաքացիական հասարակության շատ ներկայացուցիչներ հասարակական խաղաղարար հարթակն օգտագործում են որպես պաշտոնական Ադրբեջանի անհիմն քաղաքական հավակնությունների բավարարման հարթակ։ 

«Ադրբեջանի ներկայացուցիչների կողմից հասարակական երկխոսության մեջ քաղաքական չափանիշների ներմուծումը միանգամից առաջ է բերում հակառակ քաղաքական արձագանք ԼՂհ հասարակական հանրության կողմից։ Այսպիսով՝ վստահություն կառուցելու գործընթացը վերածվում է քաղաքական դիրքորոշումները առաջ տանելու գործընթացի»,- ասվում է ԼՂՀ հասարակական կազմակերպությունների որոշման մեջ։  

Հայտարարության մեջ նշվում է նաև, որ Ադրբեջանի ԶԼՄ-ներն ակտիվ լուսաբանում են այս հասարակական գործընթացները՝ դրանց տալով սուբյեկտիվ մեկնաբանություններ բացահայտ քաղաքական երանգներով, և արդյունքում ողջ խաղաղարար ծրագիրը ադրբեջանական քարոզչության հերթական գործիքի բնույթ է ստանում։ 

«Այսպիսով՝ Ադրբեջանի կողմից խաղաղարար գործընթացի ակտիվ քաղաքականացումն ու միջազգային միջորդական կազմակերպությունների և կառույցների՝ այս միտումներին դիմակայելու անկարողությունը ստիպում է մտածել, թե որքանով է այս գործընթացն ընդհանրապես խաղաղարար։ Վերջին տարիների նախաձեռնություններից շատերը արդյունքում հանգեցրել են միայն իրավիճակի սրմանը և հասարակությունների էլ ավելի դժգոհությանն ու անվստահությանը։ Նման արդյունքը ապակառուցողական մոտեցման ապացույցն է, ինչն ավելորդ անգամ ապացուցում է բանակցային հարթակի օգտագործման անհնարինությունը  քաղաքական նպատակների քարոզչության համար»,- ասվում է փաստաթղթում։  

Ելնելով վերը շարադրված եզրակացություններից՝ Ռեսուրսային կենտրոնի խորհուրդը, ԼՂՀ փորձագետների խորհուրդը և գործընկեր կազմակերպությունները հայտարարում են, որ ԼՂՀ քաղաքացիական հասարակության ներկայացուցիչները շահագրգիռ են տարածաշրջանում խաղաղության հաստատմամբ, մեկ անգամ ևս պատրաստակամություն են հայտնում լինել իսկապես խաղաղարար նախաձեռնությունների ակտիվ մասնակիցները և համաձայնության ու բարիդրացիության հասնելու այլ ուղի չեն տեսնում: 

«ԼՂՀ քաղաքացիական հասարակության ներկայացուցիչների մասնակցությունը International Alert-ի կողմից անցկացվող Հասարակական ֆորումներին՝ ի աջակցություն ԵԱՀԿ Մինսկի խմբի հովանու ներքո իրականացվող պաշտոնական խաղաղարար գործընթացի, աննպատակահարմար ենք համարում, քանի որ՝ մինչև այժմ չեն հրապարակվել, այսպես կոչված, «մադրիդյան սկզբունքները», որոնց հիման վրա կառուցվում է խաղաղարար գործընթացը. կարգավորման սխեման, որը ԵԱՀԿ ՄԽ համանախագահների կողմից ներկայացվեց ԼՂՀ քաղաքացիական հասարակության առաջնորդներին և վերջերս «Ռոսիա» հեռուստաընկերության եթերում հրապարակայնորեն հաստատեց ադրբեջանի նախագահը, հակասում է Լեռնային Ղարաբաղի հանրապետության և Հայաստանի հանրապետության հիմնական շահերին», - ասվում է հաղորդագրության մեջ:

«ԼՂՀ քաղաքացիական հասարակության ներկայացուցիչները չեն կարող սատարել այն գործընթացներին, որոնք չեն նպաստում արդար խաղաղության հասնելուն, այլ առավել միտված են իրավիճակի ապակայունացմանը ինչպես ղարաբաղյան հակամարտության տարածաշրջանի երկրներում, այնպես էլ այդ երկրների միջև: Մենք դիմում ենք Հայաստանի քաղաքացիական հասարակության առաջնորդներին՝ կոչ անելով աջակցել արցախցի գործընկերների դիրքորոշմանը»,- ընդգծվում է հայտարարությունում:--0--

Partners News
Partners News
ԱՌԿԱ գործակալություն
Բաժնի այլ նյութեր
15:09
21 Հունվարի 2022
ՌԴ ԱԳՆ. առաջնահերթ խնդիր է այսօր հայ-ադրբեջանական սահմանի սահմանազատման և սահմանագծման գործընթացը սկսել է
ՌԴ ԱԳՆ-ն առաջնահերթ խնդիր է համարում հայ-ադրբեջանական սահմանի սահմանազատման և սահմանագծման գործընթացը սկսելը
14:10
21 Հունվարի 2022
ԱԽ քարտուղարը ԵՄ պատվիրակության հետ քննարկել է հայ-ադրբեջանական սահմանի սահմանագծմանն ու սահմանազատմանը վերաբերող հարցեր
Արմեն Գրիգորյանը ԵՄ պատվիրակության հետ քննարկել է հայ-ադրբեջանական սահմանի սահմանագծմանն ու սահմանազատմանը վերաբերող հարցեր
15:40
20 Հունվարի 2022
Հայաստանն առաջարկությունների ի՞նչ փաթեթ է ներկայացրել Բաքվին. պարզաբանում է ԱԽ քարտուղարը
Հայաստանն առաջարկությունների ի՞նչ փաթեթ է ներկայացրել Բաքվին. պարզաբանում է ԱԽ քարտուղարը
14:28
20 Հունվարի 2022
Զախարովա. ՌԴ–ն աջակցում է ԵԱՀԿ Մինսկի խմբի համանախագահների աշխատանքի շարունակմանը. Զախարովան՝ Ալիևի հայտարարության մասին
Զախարովա հայտարարել է, որ Ռուսաստանն աջակցում է ԵԱՀԿ Մինսկի խմբի համանախագահների աշխատանքի շարունակմանը. Զախարովան՝ Ալիևի հայտարարության մասին
12:14
20 Հունվարի 2022
Սահմանազատման հարցում հայկական կողմը նախապայմաններ չունի. ՀՀ ԱԳՆ–ն պատասխանել է Ադրբեջանին|
Սահմանազատման հարցում հայկական կողմը նախապայմաններ չունի. ՀՀ ԱԳՆ–ն պատասխանել է Ադրբեջանին
11:18
20 Հունվարի 2022
ՌԴ ԱԳՆ–ն պատասխանել է Ալիևին. Լաչինի միջանցքը ռուս խաղաղապահների վերահսկողության տակ է, իսկ Ադրբեջանը երաշխավորում է երկու ուղղություններով տեղաշարժի անվտանգությունը
ՌԴ ԱԳՆ–ն պատասխանել է Ալիևին. Լաչինի միջանցքը ռուս խաղաղապահների վերահսկողության տակ է, իսկ Ադրբեջանը երաշխավորում է երկու ուղղություններով տեղաշարժի անվտանգությունը
20:47
19 Հունվարի 2022
«Պատասխանատվություն եմ կրում նրա գործողությունների համար». Փաշինյանը պարզաբանել է՝ ինչու է Ռուբինյանին նշանակել Թուրքիայի հետ բանակցությունների հատուկ ներկայացուցիչ
Փաշինյանը հայտարարեց, որ Ռուբեն Ռուբինյանին Թուրքիայի հետ կարգավորման գործընթացի հարցով Հայաստանի հատուկ ներկայացուցիչ նշանակելու որոշումն անձամբ է կայացրել՝ քաղաքական նպատակահարմարությունից ելնելով
19:00
19 Հունվարի 2022
Միրզոյանը պարզաբանեց, թե առաջարկների ինչ փաթեթ է փոխանցվել Բաքվին
Միրզոյանը պարզաբանեց, թե առաջարկների ինչ փաթեթ է փոխանցվել Բաքվին
15:56
17 Հունվարի 2022
Չարժե ակնկալել, որ հայ–թուրքական հարաբերություններն արագ կկարգավորվեն. ռուս փորձագետը նշել է Երևան–Անկարա հարաբերությունների դժվարությունները
Ռուս փորձագետն անդրադարձել է Երևան–Անկարա հարաբերությունների կարգավորման դժվարություններին
11:17
17 Հունվարի 2022
«Ոչ, դեղին «Ժիգուլի» չի անցել կողքով». Թուրքիայի հետ բանակցություններում Հայաստանի բանագնացը պատասխանել է ընդդիմությանը
«Ոչ, դեղին «Ժիգուլի» չի անցել կողքով». Թուրքիայի հետ բանակցություններում Հայաստանի բանագնացը պատասխանել է ընդդիմությանը
22:11
14 Հունվարի 2022
Փաշինյանի որոշմամբ, ստեղծվել է Երասխ-Ադրբեջան երկաթուղու վերականգնման աշխատանքային խումբ
Փաշինյանի որոշմամբ, ստեղծվել է Երասխ-Ադրբեջան երկաթուղու վերականգնման աշխատանքային խումբ