Առնո Բաբաջանյանի անվան համերգասրահը միացվել է ՀՀ պետֆիլհարմոնիային

ՀՀ կառավարությունը հինգշաբթի նիստի ժամանակ «Առնո Բաբաջանյան համերգասրահ» պետական ոչ առևտրային կազմակերպությունը միացման ձևով վերակազմակերպել է` միացնելով «Հայաստանի պետական ֆիլհարմոնիա» պետական ոչ առևտրային կազմակերպությանը։

Ինչպես տեղեկացրեց ՀՀ մշակույթի փոխնախարար Արթուր Պողոսյանը, Բաբաջանյանի անվ. համերգասրահը ներառում էր նաև մի քանի առանձին շինություններ՝ նախատեսված փորձերի համար:

«ՀՀ Պետական ֆիլհարմոնիան ունի մի քանի նվագախումբ և մի քանի կոլեկտիվ, որոնք փորձերի ու ելույթների համար տարածք չունեն և ստիպված են տարածք վարձակալել: Սա խոչընդոտում է նրանց մակարդակի բարձրացմանը»,- հայտնեց Պողոսյանը:  

Փոխնախարարն ընդգծեց, որ Բաբաջանյանի անվ. սրահի հանձնումը պետական ֆիլհարմոնիային թույլ կտա նոր պայմաններ ստեղծել ֆիլհարմոնիայի գործունեության համար և կոլեկտիվին ապահովել անհրաժեշտ շինություններով:

Միևնույն ժամանակ նա նշեց, որ չնայած պետական ֆիլհարմոնիային միանալուն, համերգասրահը կպահպանի իր անունը:

Առնա Բաբաջանյանի անվ. համերգասրահը գտնվում է Երևանի կենտրոնում Աբովյան փողոցի վրա: Շենքը, որը տեղակայված է սրահը, կառուցվել է 19-րդ դարում և մինչև 1921 թ.-ը օգտագործվել որպես կրթական հաստատություն: 1921թ.-ից հետո շենքում տեղակայվել է Փոքր Ֆիլհարմոնիկ համերգասրահը, որն արդյունքում կրել է հայ ականավոր կոմպոզիտոր Առնա Բաբաջանյանի անունը: -0-