ԵՐԵՎԱՆ, 26 հունիսի. /Նովոստի-Արմենիա/. Հայաստանի գրողների միության գործող նախագահ Լևոն Անանյանը լավատեսորեն է գնահատում Միության նախագահի պաշտոնում վերընտրվելու իր հնարավորությունները։
Հուլիսի 4-ին հերթական նիստի ժամանակ գաղտնի քվեարկության միջոցով կորոշվի Գրողների միության հաջորդ նախագահի անունը։ Անանյանից բացի, ով գլխավորում է միությունը վերջին 8 տարում, նախագահի պաշտոնի հիմնական հավակնորդը Ռազմիկ Դավոյանն է։
«Չէի ուզենա կանխատեսումներ անել Միության հաջորդ նախագահի հետ իմ համագործակցության մասին, քանի որ այդքան էլ հոռետեսորեն տրամադրված չեմ, որպեսզի խաչ քաշեմ իմ հաղթանակի վրա»,- ուրբաթ Անանյանն ասաց լրագրողներին։
Նրա խոսքերով, Միության նախագահի պաշտոնի բոլոր հավակնորդները Միության անդամներին հայտնի գրականագետներ են, և նրանց հեշտ կլինի իրականացնել իրենց ընտրությունը։
Անանյանը որոշակի աճ նշեց վերջին տարիներին միության գործունեության մեջ։
Անանյանի խոսքերով, Գրողների միության գործունեության նվաճումների թվում են սեփական տպարանի ձեռքբերումը և Վ. Բրյուսովի անվ. պետական լեզվաբանական համալսարանի հետ թարգմանությունների բանկի ստեղծման մասին համաձայնագիրը, ինչպես նաև Սլովակիայի, Ռումինիայի և Սիրիայի գրողների միությունների հետ կապերի հաստատումը։
«Ակտիվ բանակցությունների և բազմամյա աշխատանքի շնորհիվ տասնյակ մրցանակներ են հիմնադրվել գրականության ու հրապարակախոսության որոլտում, և բոլոր այս նվաճումներն անկասկած նախագահի պաշտոնը գրավիչ են դարձնում»,- ասաց Անանյանը։ -0-
