Հայկական ընդդիմությունը հավանություն է տալիս իր ակտիվիստներից մեկի՝ ընդհատակից դուրս գալու մասին որոշմանը

Հայկական ընդդիմությունը հավանություն է տալիս իր ակտիվիստներից Նիկոլ Փաշինյանի՝ ընդհատակից դուրս գալու մասին որոշմանը:  

«Ցանկանում եմ ասել, որ Նիկոլ Փաշինյանն իր որոշումն ընդունել է միանգամայն ինքնուրույն: Մենք կարծում ենք, որ նրա որոշումը շատ խիզախ է, պատասխանատու և ճիշտ», - հինգշաբթի լրագրողներին ասաց ՀԱԿ կենտրոնական գրանսենյակի համակարգող Լևոն Զուրաբյանը:

«Նիկոլ Փաշինյանի՝ իրավապահ մարմիններին հանձնվելու մտադրության մասին որոշումը ճիշտ է»,- ասաց Զուրաբյանը ։  

Երևանում 2008 թ.-ի մարտի 1-2 իրադարձությունների ակտիվ մասնակիցներից մեկը՝ «Հայկական ժամանակ» թերթի գլխավոր խմբագիր Նիկոլ Փաշինյանը, հայտարարել է մեկ ամսվա ընթացքում Հայաստանի իրավապահ մարմիններին հանձնվելու իր մտադրության մասին։  

Նա չի բացառել նաև այն հնարավորությունը, որ նման որոշում կարող է ընդունել խուզարկության մեջ գտնվող ՀՀ ԱԺ պատգամավոր Խաչատուր Սուքիասյանը։  

ՀՀ խորհրդարանը հունիսի 19-ին անցկացված արտահերթ նիստում հավանություն էր տվել ՀՀ նախագահ Սերժ Սարգսյանի՝ համաներում հայտարարելու առաջարկությանը: Հայտարարված համաներման համաձայն, պատժից լիովին ազատվում են, մասնավորապես առավելագույնը երեք տարի ժամկետով ազատությունից զրկելու հետ կապված պատիժների դատապարտված անձինք, այն անձինք, որոնց նկատմամբ պատիժը պայմանականորեն չի կիրառվել կամ պատժի կրումը հետաձգվել է, ինչպես նաև ազատությունից զրկելու հետ չկապված պատիժների դատապարտված անձինք:

Համաներումը տարածվում է 2008թ. մարտի 1-2-ը Երևանում քաղաքում տեղի ունեցած իրադարձությունների առնչությամբ հանցագործություն կատարած անձանց վրա, որոնց հինգ տարի ազատազրկում է սպառնում:-0-