ԱԳ նախկին նախարարի և ՀՀ ՆԳՆ-ի՝ հետախուզման մեջ գտնվող ղեկավարի պահակախմբի նախկին պետի նկատմամբ դատարանի վճռով համաներում է շնորհվել

Դատավոր Մնացական Մարտիրոսյանի վճռով՝ ՀՀ ԱԳ նախկին նախարար Արզումանյանը, ով մեղադրվում էր ՀՀ ՔՕ 225-րդ հոդվածի 1-ի մասի (զանգվածային անկարգություններ) հատկանիշներով, մեղավոր էր ճանաչվել և դատապարտվել հինգ տարի ազատազրկման: Նույն հոդվածով դատապարտված Սուրեն Սիրունյանը ևս մեղավոր էր ճանաչվել և դատապարտվել չորս տարի ազատազրկման:

ՀՀ խորհրդարանի կողմից ուրբաթ հայտարարված համաներումը հաշվի առնելով՝ դատավոր Մարտիրոսյանը որոշում է ընդունել ազատ արձակել դատապարտյալներին հենց դատարանի նիստերի դահլիճից:

Արզումանյանն ու Սիրունյանն ավելի վաղ անցնում էին այսպես կոչված «յոթի գործով»: Միասնական «յոթի գործի» շրջանակներում բացի նրանցից քննվում էին նաև ՀՀ խորհրդարանի պատգամավորներ Մյասնիկ Մալխասյանի, Սասուն Միքայելյանի և Հակոբ Հակոբյանի, ինչպես նաև Աբովյանի նախկին քաղաքապետ Գրիգոր Ոսկերչյանի, Շանթ Հարությունյանի դեմ հարուցված մեղադրանքները, ովքեր մեղադրվում էին, մասնավորապես՝ սպանության հետ կապված զանգվածային անկարգություններ կազմակերպելու և մասնակցելու, իշխանությունը բռնազավթելու, իշխանության ներկայացուցիչների դեմ բռնություն կիրառելու, զենքի անօրինական ձեռքբերման և կրման մեջ:

Հետագայում դատարանի որոշմամբ՝ ստացիոնար դատահոգեբանական փորձաքննության ուղղարկված Շանթ Հարությունյանի նկատմամբ դատավարությունը կասեցվել էր:

Գործով դատավոր Մնացական Մարտիրոսյանի որոշմամբ՝ 2009 թ.-ի ապրիլի 1-ին միասնական գործը բաժանվել էր առանձին դատական վարույթների:-0-