Երևանում կայացել է Արաբկիր համայնքի Ոստիկանության երկու հենակետային կետերի բացումը
Ուրբաթ Երևանում տեղի ունեցավ Արաբկիրի տեղամասային ոստիկանության երկու հենակետերի բացումը` ԵԱՀԿ երևանյան գրասենյակի և ՀՀ ոստիկանության համատեղ ծրագրի շրջանակներում, «Նովոստի-Արմենիա» գործակալությանը հայտնեցին ԵԱՀԿ երևանյան գրասենյակի մամուլի ծառայությունից:
Հենակետերի նպատակն է բարելավել հանրություն-ոստիկանություն համագործակցությունը և վստահությունը` բարձրացնելով ոստիկանության տեսանելիությունը և հմտությունները` աջակցելու բնակչությանը լուծելու տեղի խնդիրները: Երկու հենակետերը կհամալրվեն ԵԱՀԿ կողմից վերապատրաստված համայնքային ոստիկաններով:
«Հենակետերի բացումը վկայում է Ոստիկանության և ԵԱՀԿ հաստատակամության մասին` բարելավելու ոստիկանության ծառայությունը հանրությանը: Մենք կդիտարկենք այս հենակետերի փորձը և կկիրառենք դասերը` Հայաստանում համայնքային ոստիկանության մոդելի հետագա տարածման համար», - ասաց ԵԱՀԿ երևանյան գրասենյակի ղեկավարի տեղակալ Քարել Հոֆսթրան:
ՀՀ ոստիկանության Արաբկիրի բաժնի պետի տեղակալ Վլադիմիր Ավագիմյանն իր հերթին հավելեց, որ ոստիկանությունը պետք է լինի տեսանելի և հասանելի:
«Հանրության աջակցությունը և սերտ համագործակցությունը համայնքի հետ կարևոր է տեղի անվտանգության խնդիրների լուծման գործում: Հիմա նաև հանրությունը կարող է ակտիվորեն համագործակցել ոստիկանության հետ և առնչվել ոստիկանների հետ հենակետերում` տրամադրելու տեղեկատվություն տեղի խնդիրների վերաբերյալ»,- ասաց Ավագիմյանը:
Ոստիկանությունը համայնքում կհամագործակցի նաև Քաղաքացիական խորհդատվական խմբերի հետ:
Համայնքային ոստիկանության ծրագիրը գրասենյակի` ժողովրդավարական ոստիկանության փորձի կիրառմանն ուղղված գործունեության մաս է կազմում: Աշխատանքները նաև ներառում են ոստիկանության կրթության և լրատվամիջոցների հետ հարաբերությունների բարելավմանը:
Ոստիկանությունը և ԵԱՀԿ գրասենյակը 2008թ. նոյեմբերին ստորագրեցին համագործակցության համաձայնագիր, որի շրջանակներում հաաստատվեցին աշխատանքային խմբեր` հզորացնելու հանրություն-ոստիկանություն համագործակցությունը և բարելավելու ոստիկանության կրթական համակարգը: Խմբերը կներկայացնեն նախնական արդյունքներն այս ամսվա վերջում և վերջնական առաջարկներ 2009թ. վերջին: -0-
