Հայաստանը կարևորում է Գերմանիայի հետ բազմակողմանի համագործակցության խորացումն ու ամրացումը
ԵՐԵՎԱՆ, 16 հունիսի. /Նովոստի-Արմենիա/. Հայաստանը կարևորում է Գերմանիայի հետ բազմակողմանի համագործակցության խորացումն ու ամրացումը, երեքշաբթի ՀՀ արտգործնախարար Էդվարդ Նալբանդյանը հայտարարեց Երևանում դիվանագիտական առաքելությունն ավարտող Գերմանիայի դեսպան Անդրեա Յոանա-Մարիա Վիկտորինի հետ հանդիպման ժամանակ:
«Շնորհակալություն հայտնելով դեսպանին իր առաքելության ընթացքում հայ-գերմանական բարեկամական հարաբերությունների զարգացումը խթանելուն ուղղված գործունեության համար` նախարար Նալբանդյանը հաջողություն մաղթեց դեսպան Վիկտորինին հետագա գործունեության մեջ»,- «Նովոստի-Արմենիա» գործակալությանը հայտնեցին ՀՀ ԱԳՆ մամուլի ծառայությունից:
Նա նշեց նաև, որ Գերմանիան Հայաստանում ամենակարևոր ներդրողներից մեկն է:
Նալբանդյանը նշեց նաև, որ Հայաստանը բարձր է գնահատում Գերմանիայի կառավարության կողմից երկրի զարգացմանն ուղղված տեխնիկական և ֆինանսական ծրագրերը:
Դեսպանն իր հերթին նշեց, որ ջերմ զգացմունքներով է հեռանում Հայաստանից և շնորհակալություն հայտնեց իր առաքելության ընթացքում ԱԳՆ ցուցաբերած աջակցության համար: -0-
