2009թ.-ին ՌԵՈՒ-ի՝ Հայաստանում կատարած ներդրումների ծավալը կկազմի 1.2 միլիարդ ռուբլի. Յակունին

ԵՐԵՎԱՆ, 12 հունիսի. /Նովոստի-Արմենիա/. 2009թ.-ին «ՌԵՈՒ» ԲԲԸ-ի` Հայաստանում կատարած ներդրումների ծավալը կկազմի 1.2 միլիարդ ռուբլի, ուրբաթ ասաց ՌԵՈՒ-ի նախագահ, «Հարավկովկասյան երկաթուղի» ՓԲԸ-ի տնօրենների խորհրդի նախագահ Վլադիմիր Յակունինը Երևանի կենտրոնական կայարանում ЧМЭ-3 տեսակի տասը ջերմաքարշերը շահագործման հանձնելու արարողության ընթացքում։

Նա ավելացրեց, որ օբյեկտների ներդրումը երկու անգամ ավել կլինի։

Նշելով, որ այդքան էլ բավարարված չէ նախորդ տարվա արդյունքներից՝ Յակունինը տեղեկացրեց այս տարի բացթողումները փոխհատուցելու պայմանավորվածության մասին։ Միաժամանակ նա պարզաբանեց, թե ինչպիսի հանգամանքներով են պայմանավորված այդ բացթողումները։

ՌԵՈՒ-ի նախագահի խոսքերով, առաջին հերթին յուրաքանչյուր գործունեության մեկնարկը շատ ավելի բարդ է, քան ենթադրվում է սկզբում, և, երկրորդը, դա բարդ էր նաև ՀՀ կառավարության համար, քանի որ սեփականության փոխանցումն անհնար է առանց դրա գրանցման։ Նա ընդգծեց, որ ՌԵՈՒ-ն ծրագրում է այս տարի ամբողջովին փոխհատուցել բացթողումները։

«Ես դրական եմ գնահատում այն փաստը, որ ՀԿԵՈՒ-ի ղեկավարությունն այսօր հաճախորդաուղղված գործունեություն է իրականացնում։ Ես գոհ եմ մարզաբազայի և նոր ծառայությունների ներդրման ուղղությամբ տարվող աշխատանքներից», - ասաց Յակունինը։

«Հարավկովկասյան երկաթուղիներ» ՓԲԸ-ն «Ռուսական երկաթուղիներ» ԲԲԸ-ի հարյուրտոկոսանոց դուստր ընկերությունն է, որը հուլիսի 1-ից իրականացնում է Հայկական երկաթուղիների կոնցեսիոն կառավարումը:

ՀԿԵՈՒ-ն իր բալանսում ընդունել է ՀԵՈՒ շարժակակազմը 2008թ. հունիսի մեկից՝ «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 20 տարի երկարացման իրավունքով՝ 2008թ. փետրվարի 13-ի կոնցեսիոն պայմանագրին համապատասխան:

ՀԿԵՈՒ ենթակայության տակ է գտնվում 805 կմ երկաթուղի՝ Հայաստանի 1125 կմ երկաթուղուց, 2001թ.-ից ընկերությունը բերում է կայուն շահույթ։ 2007թ.-ին ՀԵՈՒ կողմից տեղափոխվել է 3 միլիոն տոննա բեռ՝ 2006թ.-ի 2,7 միլիոն տոննայի դիմաց։ -0-