Երևանում դասընթացներ են անցկացվում թանգարանի աշխատողների համար

ԱՊՀ անդամ-երկրների հումանիտար համագործակցության միջազգային հիմնադրամի աջակցությամբ ՅՈՒՆԵՍԿՕ-ի և ICOM թանգարանային միջազգային ընկերակցության կազմակերպած «Թանգարանների կառավարում» տարածաշրջանային դասընթացները մեկնարկեցին Երևանում, Հայաստանի ազգային պատկերասրահի շենքում:

«Դասընթացներին են մասնակցում 16 քաղաքի ու գյուղի 27 թանգարանի ներկայացուցիչներ»,- «Նովոստի-Արմենիա» գործակալությանը հայտնեց ԱՊՀ անդամ-երկրների հումանիտար համագործակցության միջազգային հիմնադրամի մամուլի քարտուղար Ալեքսանդր Կալուգինը:

Դասընթացների ընթացքում մասնակիցները խորացված կերպով ծանոթանում են հարցերի լայն շրջանակի հետ, որոնք շոշափում են ժամանակակից թանգարանների գործունեության առանցքային գործոնները՝ անվտանգության ապահովում, թարգարանային վավերագրման զարգացման ուղղություններ, գիտական նկարագրության հարցեր, հավաքածուների պահպանում, մասնագիտական էթիկայի խնդիրներ:

Բացի այդ, դասընթացների շրջանակներում կշոշափվի թեմաների մի շրջանակ, որը կապված է հավաքածուների ներկայացման,  ցուցահանդեսների անցկացման, այցելուների ընդունման, թանգարանների աշխատանքի իրավական ասպեկտների հետ, ինչպես նաև կշոշափվի մշակութային արժեքների անօրինական շրջանառությունը:

Դասընթացների մասնակիցները կայցելեն նաև «Էրեբունի» տուն-թանգարան, Երևանի պատմության թանգարան և Հովհաննես Թումանյանի տուն-թանգարան:

Թանգարանների աշխատողների համար նմանատիպ դասընթացներ են անցկացվել Քիշնևում, Բաքվում, Մինսկում: Հերթում Կազանն է:-0-