ՀՀ պաշտպանության նախարարը Բրյուսելում կմասնակցի ՆԱՏՕ/ԵԱԳԽ պաշտպանության նախարարների խորհրդի նիստին

ԵՐԵՎԱՆ, 9 հունիսի. /Նովոստի-Արմենիա/. ՀՀ պաշտպանության նախարար Սեյրան Օհանյանի գլխավորած պատվիրակությունը կմեկնի Բրյուսել` մասնակցելու ՆԱՏՕ-ի կենտրոնակայանում կայանալիք ՆԱՏՕ/ԵԱԳԽ պաշտպանության նախարարների խորհրդի նիստին, «Նովոստի-Արմենիա» գործակալությանը հայտնեցին ՀՀ պաշտպանության նախարարության մամուլի ծառայությունից:

Ինչպես նշվում է հաղորդագրության մեջ, նիստից հետո նախատեսվում են ՀՀ պաշտպանության նախարարի երկկողմ հանդիպումները մի շարք գործընկեր պետությունների պաշտպանության նախարարների հետ:

«Բրյուսելից ՀՀ պաշտպանության նախարարը կմեկնի Մոսկվա` ՀՀ նախագահի գլխավորած պատվիրակության կազմում մասնակցելու հունիսի 14-ին կայանալիք ՀԱՊԿ անվտանգության խորհրդի նիստին»,- ասվում է հաղորդագրության մեջ:-0-