ԵՐԵՎԱՆ, 3 հունիսի. /Նովոստի-Արմենիա/. Ֆուտբոլի Հայաստանի երիտասարդական հավաքականը չորեքշաբթի «Հանրապետական» մարզադաշտում անցկացրեց վերջին մարզումը ընտրական մրցաշարին մասնակցելու նպատակով Շվեյցարիա մեկնելուց առաջ, «Նովոստի-Արմենիա» գործակալությանը հայտնեցին ՀՀ Ֆուտբոլի ֆեդերացիայի մամուլի ծառայությունից։
Ինչպես նշվում է հաղորդագրության մեջ, Հայաստանի երիտասարդական հավաքականը շարունակում է նախապատրաստվել հունիսի 5-ին և 9-ին կայանալիք 2011 թվականի Եվրոպայի երիտասարդական առաջնության ընտրական փուլի Շվեյցարիայի և Թուրքիայի ընտրանիների հետ հանդիպումներին: Մարզմանը մասնակցեցին հավաքական հրավիրված բոլոր 23 ֆուտբոլիստները:
Մինչ այդ կայացած ժողովի ժամանակ հավաքականի գլխավոր մարզիչ Ֆլեմինգ Սերիցլևը հայտարարել էր թիմի ավագի անունը: Այս պատվավոր դերը կկատարի Հենրիխ Մխիթարյանը:
Հունիսի 4-ին Երևանի ժամանակով 09:15-ին Հայաստանի երիտասարդական ընտրանին կմեկնի Ցյուրիխ, որտեղից էլ կուղևորվի Վիլ քաղաք: Շվեյցարիա – Հայաստան երիտասարդական հավաքականների հանդիպումը տեղի կունենա Վիլ քաղաքի «Բերգհոլց» մարզադաշտում Երևանի ժամանակով 23:00-ին:
Հայաստանի երիտասարդական ընտրանու կազմում Շվեյցարիա չեն ուղևորվի կիսապաշտպաններ Հիրաչ Յագանը («Ստանդարտ», Բելգիա), Մասիս Ոսկանյանը («Բրյուգե», Բելգիա) և Երևանի «Բանանցի» հարձակվող Հրանտ Գևորգյանը:
Հայաստանի հավաքականի կազմում են. դարպասապահներ՝ Գևորգ Պրազյան («Արարատ»), Էդվարդ Հովհաննիսյան («Փյունիկ»), պաշտպաններ` Գագիկ Դաղբաշյան («Բանանց»), Արտաշես Առաքելյան («Կիլիկիա»), Կարեն Խաչատրյան («Փյունիկ»), Արտակ Անդրիկյան («Փյունիկ»), Արտակ Յեդիգարյան («Փյունիկ»), կիսապաշտպաններ` Դավիթ Մանոյան («Փյունիկ»), Էդգար Մալաքյան («Փյունիկ»), Հենրիկ Մխիթարյան («Փյունիկ»), Արտակ Ալեքսանյան («Փյունիկ»), Արթուր Յուսպաշյան («Փյունիկ»), Կառլեն Մկրտչյան («Փյունիկ»), Սարգիս Կարապետյան («Բանանց»), Կամո Հովհաննիսյան («Փյունիկ»), Լևոն Հայրապետյան («Համբուրգ», Գերմանիա), Արտակ Դաշյան («Բանանց»), հարձակվողներ` Միհրան Մանասյան («Փյունիկ»), Հովհաննես Գոհարյան («ԲԱՏԵ», Բելառուս), Գևորգ Ղազարյան («Փյունիկ»)։
Հայաստանի հավաքականը Թուրքիայի, Շվեյցարիայի, Իռլանդիայի, Վրաստանի և Էստոնիայի թիմերի հետ նույն խմբում է:
Եվրոպական բոլոր հավաքականները բաժանված են 10 նախընտրական խմբի։ Սեփական խմբերի հաղթողները և երկրորդ տեղը զբաղեցրած 4 լավագույն թիմերը կխաղարկեն Եվրոպայի առաջնության 7 ուղեգիր, խաղարկությունը կանցկացվի 2011 թ.-ի հունիսին Դանիայում։ -0-
