Թուրքիա-Ադրբեջան հարաբերություններն ազդում են հայ-թորքական հարաբերությունների զարգացման վրա. կարծիք

ԵՐԵՎԱՆ, 2 հունիսի. /Նովոստի-Արմենիա/. Թուրքիա-Ադրբեջան հարաբերությունների զարգացումը, բնականաբար, ազդում է հայ-թուրքական հարաբերությունների վրա, ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը:

«Եթե Ադրբեջանը չլիներ, իրավիճակն այլ կլիներ, և հարաբերություններն այլ կերպ կզարգանային»,- երեքշաբթի «Նովոստի» միջազգային մամուլի կենտրոնում ասաց նա:

Իսկանդարյանը նշեց նաև, թե թուրքերը ինչպես են հաշվի առնում քաղաքական ուժերը երկրի ներսում, ազդում է նրանց արտաքին քաղաքականության վրա, և բնականաբար, դրան պետք է հետևել՝ չմոռանալով այն մասին, որ թուրքական վերնախավում մարդկանց ու կառույցների զգալի մաս կա, որոնք դեմ են հայ-թուրքական մերձեցմանը:  

«Բացի այդ Թուրքիայում ադրբեջանական արմատներ ունեցող մարդկանց զգալի  քանակություն կա»,- ընդգծեց նա՝ հավելելով, որ նման գործոնները պետք է հաշվի առնել նրանց հետ աշխատելիս:

Քաղաքագետն այս համատեսքտում նշեց նաև, որ Թուրքիան բոլորովին էլ միատարր չէ, ինչպես թվում է դրսից, այդ երկրի ներսում շատ տարբեր կարծիքներ կան անգամ Հայոց ցեղասպանության առնչությամբ, էլ ուր մնաց հայ-թուրքական հարաբերությունները:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Առաջին քայլերը հարաբերություններում արվեցին 2008թ. սեպտեմբերի 6-ին, երբ Թուրքիայի նախագահ Աբդուլա Գյուլն առաջին անգամ  ՀՀ նախագահ Սերժ Սարգսյանի հրավերով այցելեց Երևան՝ 2010 թ. աշխարհի առաջնության ընտրական փուլի շրջանակներում երկու երկրների հավաքականների միջև ֆուտբոլային հանդիպումը դիտելու համար։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։-0-