Հայ պատգամավորի թիկնապահը դիմել է ոստիկանություն՝ ընդդիմադիր լրագրողի կողմից հասարակական կարգը խախտելու առնչությամբ. Ոստիկանություն

ՀՀ ԱԺ պատգամավոր Լևոն Սարգսյանի անձնական թիկնապահը դիմել է ոստիկանություն՝ ընդդիմադիր թերթի լրագրողի կողմից հասարակական կարգը խախտելու առնչությամբ։

Մայիսի 31-ին Երևանում անցկացվում են Ավագանու խորհրդի ընտրությունները, որոնց կարող է մասնակցել 771,5 հազար ընտրող։

«Մայիսի 31-ին, ժամը 10.45-ին, ոստիկանության Երևան քաղաքի վարչության հերթապահ մասից ոստիկանության Էրեբունու բաժնում ահազանգ է ստացվել այն մասին, որ իրենց է զանգահարել «Հայք» թերթի խմբագիր Գեղամ Նազարյանը և հայտնել, որ Նալբանդյանի անվան դպրոցում գտնվող թիվ 9/1 ընտրատեղամասում ԱԺ պատգամավոր Լևոն Սարգսյանի թիկնապահները ծեծել են «Հայքի» լրագրողներին», - ասվում է ոստիկանության տեղեկատվության մեջ։

Դեպքի առթիվ նախապատրաստվում են նյութեր, հանգամանքները ճշտվում են:

Հայ ազգային կոնգրեսի տեղեկատվության համաձայն՝ ժամը 10։25-ին 9/1 տեղամաս է ներխուժել ՀՀ ԱԺ պատգամավոր Լևոն Սարգսյանը և հրահանգել թիկնապահներին դուրս հանել «Չորրորդ իշխանություն», «Հայք», «Ժամանակ Երևան» թերթերի լրագրողներ Գոհար Վեզիրյանին, Տաթև Մեսրոպյանին և Մարինե Խառատյանին։ Լրագրողներին ծեծել են ու խլել նրանց հեռախոսներն ու ձայնագրիչները:

Որոշ տվյալներով, ավելի վաղ դիմում ներկայացնելու համար ոստիկանություն հրավիրված «Չորրորդ իշխանություն» թերթի թղթակից Գոհար Վեզիրյանը հրաժարվել է պատասխանել Ոստիկանության հարցերին՝ մեջբերելով տեղի ունեցածի մասին հայց չներկայացնելու իր սահմանադրական իրավունքը։

Երևանում տեղական ինքնակառավարման մասին» նոր օրենքի համաձայն՝ նախատեսվում է Երևանում ստեղծել 65 անդամից բաղկացած և համամասնական ընտրակարգով ձևավորվող Ավագանու խորհուրդ։ Երևանի քաղաքապետի պաշտոնը կզբաղեցնի այն կուսակցության համամասնական ցուցակի առաջին համարը, որը ընտրությունների ժամանակ կհավաքի ձայների մեծամասնությունը:

Ընտրություններին մասնակցում են «Բարգավաճ Հայաստան» կուսակցությունը, ՀՀԿ-ն, «Օրինաց Երկիր» կուսակցությունը, ՀՅԴ-ն, Ժողովրդական կուսակցությունը, ՀՀ Աշխատավորական սոցիալիստական կուսակցությունը և ՀԱԿ նախընտրական դաշինքը։  --0—