ՀՀ առաջին նախագահ, ընդդիմության առաջնորդ Լևոն Տեր-Պետրոսյանը քվեարկել է Երևանի Ավագանու խորհրդի ընտրություններին

ՀՀ առաջին նախագահ, ընդդիմության առաջնորդ Լևոն Տեր-Պետրոսյանը քվեարկել է իր ընտրատեղամասում։

Ընդդիմադիր Հայ ազգային կոնգրեսի նախընտրական ցուցակը գլխավորող Տեր-Պետրոսյանը ժամանել է Երևանի Սպանդարյանի անվան դպրոցում ձևավորված 9/10 ընտրատեղամաս կնոջ և թոռների ուղեկցությամբ։

Քվեարկելով՝ նախկին նախագահը հրաժարվել է որևէ մեկնաբանությունից՝ նշելով, որ բոլոր մեկնաբանությունները կարվեն վաղը։

«Ամեն ինչ վաղը։ Բոլոր հարցերին ես կպատասխանեմ վաղը։ Այսօր ոչ մի հարց», - ասաց Տեր-Պետրոսյանը։

Երևանում մայիսի 31-ին անցկացվում են Ավագանու խորհրդի ընտրություններ, որոնք կկարողանա մասնակցել 771,5 հազար մարդ:

Սա Երևանի պատմության մեջ առաջին Ավագանու խորհրդի ընտրություններն են։«Երևանում տեղական ինքնակառավարման մասին» նոր օրենքի համաձայն՝ նախատեսվում է Երևանում ստեղծել 65 անդամից բաղկացած և համամասնական ընտրակարգով ձևավորվող Ավագանու խորհուրդ։ Երևանի քաղաքապետի պաշտոնը կզբաղեցնի այն կուսակցության համամասնական ցուցակի առաջին համարը, որը ընտրությունների ժամանակ կհավաքի ձայների մեծամասնությունը:

Երևանի Ավագանու խորհրդի ընտրություններն անցկացվում են համամասնական ընտրակարգով:

Ընտրություններին մասնակցում են «Բարգավաճ Հայաստան» կուսակցությունը, ՀՀԿ-ն, «Օրինաց Երկիր» կուսակցությունը, ՀՅԴ-ն, Ժողովրդական կուսակցությունը, ՀՀ Աշխատավորական սոցիալիստական կուսակցությունը և ՀԱԿ նախընտրական դաշինքը։  --0—