Հայաստանը կմասնակցի ՌԴ երրորդ միջազգային թատերական դպրոցին

ԵՐԵՎԱՆ, 29 մայիսի. /Նովոստի-Արմենիա/. Հայաստանը կմասնակցի մերձմոսկովյան Զվենիգորոդ քաղաքում անցկացվելիք ՌԴ երրորդ միջազգային թատերական դպրոցին, հայտնեց ԱՊՀ անդամ երկրների մարդասիրական համագործակցության միջպետական հիմնադրամի մամուլի քարտուղար Ալեքսանդր Կալուգինը։

Թատերական երրորդ միջազգային դպրոցի բացումը, որի աշխատանքին կմասնակցեն 90 դերասաններ աշխարհի 28 երկրներից, տեղի կունենա մայիսի 31-ին։

Անդամ-երկրների թվում են Ադրբեջանը, Բելառուսը, Բուլղարիան, Հունգարիան, Գերմանիան, Իտալիան, Կանադան, Ղազախստանը, Ղրղզստանը, Լատվիան, Լիբանանը, Լիտվան, Մակեդոնիան, Մոլդովան, Մոնղոլիան, Ռուսաստանը, Ռումինիան, Սերբիան, Տաջիկստանը, Թուրքմենստանը, Թուրքիան, Ուզբեկստանը, Ուկրաինան, Ֆինլանդիան, Ֆրանսիան, Չեխիան, Էստոնիան։
 
Դպրոցի կազմակերպիչներն են Ռուսաստանի Դաշնության թատերական գործիչների միությունը ՌԴ արտաքին  գործերի, Մշակույթի և Մոսկվայի մարզի մշակույթի նախարարությունների հետ համատեղ` ԱՊՀ անդամ երկրների մարդասիրական համագործակցության միջպետական հիմնադրամի և միջազգային բարեգործական «Կոնստանտինովսկի» հիմնադրամի աջակցությամբ։

ՌԴ ԹԳՄ թատերական երրորդ միջազգային դպրոցի գեղարվեստական ղեկավար, ՌԴ ժողովրդական արտիստ Ալեքսանդր Կալյագինը համոզված է, որ թատերական դպրոցի անցկացումը կնպաստի դերասանների պրոֆեսիոնալ զարգացմանը։

Մեկ ամսվա ընթացքում Դպրոցի մասնակիցները ռուս հայտնի մանկավարժների գլխավորությամբ կզբաղվեն  դերասանի վարպետութոյամբ, բեմական խոսքով, շարժումներով, սուսերամարտով, ակրոբատիկայով, ռիթմիկայով, վոկալով, ռուսական, կուսումնասիրեն արտերկրի թատրոնի պատմությունը։ Ըստ ավանդության՝ նախատեսվում են  վարպետության դասընթացներ թատրոնի և կինոյի հանրահայտ գործիչների՝ Ալքեսանդր Կալյագինի, Պյոտր Ֆոմենկոյի, Լև Դոդինի, Վալերի Զոլոտուխինի, Լոենիդ Հեյֆեցի, Գալինա Վոլչեկի, Վալերի Ֆոկինի հետ։ Դպրոցի աշխատանքի արդյունքը կլինի տարբեր ժանրերի չորս ավարտական ներկայացում, որոնցում կներգրավվեն ամառային Դպրոցի մասնակիցները։ -0-