ՀՀ վարչապետ Տիգրան Սարգսյանը աշխատանաքյին այցով մեկնեց Ղազախստանի մայրաքաղաք Աստանա՝ ԱՊՀ երկրների կառավարությունների ղեկավարների հերթական նիստին մասնակցելու նպատակով։
Վարչապետի գլխավորած պատվիրակության կազմում են կառավարության աշխատակազմի ղեկավար Դավիթ Սարգսյանը, մշակույթի նախարար Հասմիկ Պողոսյանը, Արտաքին գործերի փոխնախարար Շավարշ Քոչարյանը, Բելառուսում ՀՀ արտակարգ և լիազոր դեսպան Օլեգ Եսայանը, ԱՊՀ տնտեսական խոհրդին առընթեր տնտեսական հարցերի համաժողովում Հայաստանի ներկայացուցիչ Արտակ Վարդանյանը, Ղազախստանում ՀՀ դեսպան Վասիլի Ղազարյանը։
Ինչպես հաղորդում է «Նովոստի-Արմենիա» գործակալությանը թղթակիցը, նիստի շրջանակներում ծրագրված հիմնական միջոցառումները նախատեսված են ուրբաթ օրը: Մայիսի 22-ի առավոտյան ԱՊՀ կառավարությունների ղեկավարները կհանդիպեն Ղազախստանի վարչապետ Կարիմ Մասիմովի և նախագահ Նուրսուլթան Նարզարբաևի հետ:
Այնուհետև Ղազախստանի մայրաքաղաքի Անկախության պալատում տեղի կունենա կառավարության ղեկավարների նիստը սահմանափակ և ընդլայնված կազմով: Նախատեսվում է նաև համատեղ փաստաթղթերի ստորագրում:
Այցի ընթացքում ծրագրված է ՀՀ վարչապետի և նրա ղազախ գործընկերոջ հանդիպումը:
Աստանայում հայկական պատվիրակությանը կընդունի Ղազախստանի մշակույթի նախարար Մուխտար Կուլ-Մուհամմեդը:-0-
