Ղազախստանի բռնցքամարտի հավաքականը հույս ունի 5 մեդալ նվաճել Երևանում

Ղազախստանի հավաքականը, որը կմասնակցի Երևանում մայիսի 23-30-ը բռնցքամարտի աշխարհի առաջնությանը, հույս ունի նվաճել չորս-հինգ մրցանակային տեղ, «ՌԻԱ Նովոստիին» տեղեկացրեց Ղազախստանի տուրիզմի և սպորտի նախարարության կոմիտեի աշխատակիցը։

«Մեր թիմը հանդես կգա բոլոր 13 քաշային կարգերում։ Ղազախստանի հավաքականը համարվում է ուժաղագույն թիմերից մեկը, և ես կարծում եմ՝ մենք չորս-հինգ մրցանակային տեղ կունենանք»,- կարծում է գործակալության զրուցակիցը։

Նա հիշեցրեց, որ նախկինում պատանիների առաջնությանը իրենք «աշխարհի երկու չեմպիոն և երեք մրցանակակիր» ունեցան։

Զբոսաշրջության  նախարարության ներկայացուցիչը նշեց, որ Ղազախստանի համար մրցույթին մասնակցելը «շատ թանկ չէ»։ «Ծախսերն իր վրա մասամբ վերցրեց բոքսի ֆեդերացիան, իսկ հիմնական մասը՝ պետությունը»,- նշեց նա։

Թուրքմենստանը, Մեքսիկան, Ուելսը, Արգենտինան պաշտոնապես հրաժարել են մասնակցել պատանեկան առաջնությանը։ Այժմ երեքշաբթի օրվա դրությամբ առաջնությանը կմասնակցի 49 երկիր։

Առաջնությանը մասնակցելու իրենց հայտերը հաստատել են Ավստրալիան, Բելառուսը, Հայաստանը, Չինաստանը, Կուբան, Անգլիան, Գերմանիան, Վրաստանը, Ռուսաստանը, Թուրքիան, Ուկրաինան, ԱՄՆ-ը։

Բացի Ղազախստանից ևս յոթ երկիր՝ Հայաստանը, Թուրքիան, Ուկրաինան, Ռուսաստանը, Հունգարիան, Բելառուսը և ԱՄՆ-ը, պատրաստվում են բռնցքամարտիկներին ռինգ հանել բոլոր 13 քաշային կարգերում։ -0-