431.27
5.71
396.02
-2
Եղանակը Երևանում
Հայ

«Արևելյան գործընկերությունը» Հայաստան-ԵՄ հարաբերությունների խորացման նոր հնարավոություններ է բացում

19:37
15 Մայիսի 2009

Վերջերս Պրահայում մեկնարկած «Արևելյան գործընկերությունը» Հայաստան-ԵՄ հարաբերությունների խորացման նոր հնարավոություններ է բացում, ասվում է ՀՀ արտգործնախարար Էդվարդ Նալբանդյանի ելույթում Եվրոպայի օրվա առթիվ կազմակերպված ընդունելությանը։

«Հայաստանն առաջիններից մեկն է ողջունել այս տարածաշրջանային նախաձեռնությանը, և որպես գործընկեր-երկիր ամենագործուն մասնակցությունն ունի «Արևելյան գործընկերության» կայացման գործում»,- նախարարի խոսքերը մեջբերեցին ՀՀ ԱԳՆ մամուլի ծառայությունից։

Նա նաև նշեց, որ այս տարի լրանում է Գործընկերության և համագործակցության մասին համաձայնագրի ուժի մեջ մտնելու տասնամյակը:

Նախարարն իր խոսքում նշեց, որ այսօր Հայաստանը ևս իր մասնակցությունն է բերում միասնական, անվտանգ և զարգացող Եվրոպայի կերտման գործընթացին, անդամակցում է մայրցամաքի առանցքային կառույցներին` Եվրոպայի խորհրդին ու Եվրոպայում անվտանգության և համագործակցության կազմակերպությանը, իր ներդրումը բերելով դրանց աշխատանքներին և համաեվրոպական օրակարգի ձևավորմանը` անվտանգության և ժողովրդավարության ամրապնդման հարցերում: 

«Անկախությունից ի վեր ձեռք բերված մեր հաջողությունները, ինչպես ներքին բարեփոխումների և տնտեսական զարգացման, այնպես էլ արտաքին աշխարհի հետ հարաբերություններում, չեն կարող աննկատ անցնել: Այդ առաջընթացի ընթացքում մեզ համար մեծապես կարևոր է եղել Եվրոպայի աջակցությունը»,- ասել է Նալբանդյանը:

Նա նաև նշեց, որ Եվրոպական միության և Հայաստանի ղեկավարության միջև ամենաբարձր քաղաքական մակարդակի շփումներին զուգահեռ` ամրապնդվում են նաև մեր տնտեսական համագործակցությունն ու առևտրային կապերը: Այսօր Հայաստանի արտահանման զգալի մասը բաժին է ընկնում եվրոպական մրցունակ շուկային, իսկ ապրանքաշրջանառության ծավալները կայուն զարգացման միտում ունեն:

Նրա կարծիքով այս ամենը վկայում է, որ ընդհանուր արժեքների վրա հիմնված համագործակցությունը կարող է հաջողված լինել:

«Եվրոպայի օրն, այս առումով, այն եզակի տոներից է, որը միասնաբար նշում են մի քանի տասնյակ ժողովուրդներ և որը խորհրդանշում է նրանց խաղաղ, անվտանգ, ազատ և բարեկեցիկ ապրելու, համատեղ արժեքների վրա կառուցված ապագա կերտելու երազանքը, կամքը և վճռականությունը»,- ընդգծեց Նալբանդյանը:

Նախարարը նշեց, որ մահաբեր այդքան պատերազմներից, երկու դաժան աշխարհամարտերից հետո վերածնվելու ուժ գտնելով և ժողովուրդների համար հաշտ ու միասնական ճակատագիր կերտելով` Եվրոպան ողջ մարդկության համար դարձավ, խաղաղության, կայունության, ներդաշնակության ու միասնության խորհրդանիշ և ուղենիշ:

Նա արժանին մատուցեց եվրոպական պետական այրերին, նրանց իմաստնությանն ու խիզախությանը, նրանց քաղաքական կամքին և վճռականությանը, ինչը եվրոպական ժողովուրդներին հնարավորություն տվեց վերագտնելու ապագայի նկատմամբ վստահությունը և մեր մոլորակին վերադարձրեց ապահով ապագայի հույսը:

Իր խոսքն ավարտելով՝ Նալբանդյանը նշեց, որ Հայաստանի Հանրապետության նախագահի գլխավորությամբ մեր արտաքին քաղաքականությունը ջանում է կարգավորել առկա հիմնախնդիրները: Դա հնարավոր է անել տարածաշրջանում փոխադարձ վստահության և հարգանքի միջոցով, այն նույն եղանակով, ինչը հնարավոր դարձրեց Եվրոպայում բաժանարար գծերի վերացումը և մայրցամաքի հետագա ներդաշնակ զարգացումը:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
14:53
27 Հունվարի 2023
Թուրքիան ճնշում կգործադրի Հայաստանի վրա Ադրբեջանի միջոցով. Սաֆրաստյանը` «Զանգեզուրի միջանցքի» մասին
Նա դրական արձագանքեց այն հարցին, թե կարող է այս ամենը հանգեցնել նոր ռազմական էսկալացիայի, եթե Ադրբեջանը թույլտվություն ստանա Թուրքիայի կողմից
21:10
23 Հունվարի 2023
Բլինքենը կոչ է արել Ալիևին բացել Լաչինի միջանցքն առևտրային երթևեկության համար
ԱՄՆ պետքարտուղար Էնթոնի Բլինկենը կոչ է արել Ալիևին բացել Լաչինի միջանցքն առևտրային երթևեկության համար
11:53
23 Հունվարի 2023
«Լաչինի միջանցքի շուրջ ստեղծված իրավիճակը լուրջ է, անհրաժեշտ են հրատապ լուծումներ». ԵՄ հատուկ ներկայացուցիչը գալիս է Երևան
Հարավային Կովկասում Եվրամիության հատուկ ներկայացուցիչ Տոյվո Կլաարն ընդգծում է, որ Լաչինի միջանցքի շուրջ ստեղծված իրավիճակը լուրջ  է և անհրաժեշտ է հրատապ լուծումներ գտնել
14:51
19 Հունվարի 2023
Արցախի ներկայացուցիչները կհրավիրվեն Կանադայի խորհրդարան Ադրբեջանի կողմից Արցախի շրջափակման հարցով քննարկմանը մասնակցելու համար
Արցախի ներկայացուցիչները կհրավիրվեն Կանադայի խորհրդարան Ադրբեջանի կողմից Արցախի շրջափակման հարցով քննարկմանը մասնակցելու համար
14:06
13 Հունվարի 2023
Ինչու՞ Ֆրանսիան պատժամիջոցներ չի կիրառում Ադրբեջանի դեմ. Ֆրանսիայի ԱԺ նախագահն արձագանքել է
Ֆրանսիայի ԱԺ խոսնակը պատասխանել է այն հարցին, թե ինչու Ֆրանսիան պատժամիջոցներ չի կիրառում Ադրբեջանի դեմ
11:18
13 Հունվարի 2023
Հայաստա՞նն է փակել Լաչինի միջանցքը, Հայաստանը ինչի՞ հաշվին վարի այդ բանակցությունները. Ալեն Սիմոնյան
Արցախի ժողովրդին պատանդ պահելով՝ փորձ կարող է արվել Հայաստանից կտորներ վերցնել,  դրա համար Հայաստանը չպետք է գնա դրան։ Արցախի իշխանությունները ինքնուրույն են բանակցում, ասել է Սիմոնյանը
15:33
12 Հունվարի 2023
ՌԴ ԱԳՆ. «Ռուսական խաղաղապահների դեմ սադրանքները կարող են վնասել հայ–ադրբեջանական կարգավորմանը»
ՌԴ ԱԳՆ–ից հայտարարել են, որ ռուսական խաղաղապահների դեմ սադրանքները կարող են վնասել հայ–ադրբեջանական կարգավորմանը
14:58
12 Հունվարի 2023
Երևանը լավ հնարավորություն է բաց թողել` Մոսկվայում դեկտեմբերի 23–ին Բաքվի հետ բանակցությունների հերթական փուլն անցկացնելու համար. Զախարովա
Զախարովան այսօր հայտարարեց, որ Երևանը լավ հնարավորություն է բաց թողել` Մոսկվայում դեկտեմբերի 23–ին Բաքվի հետ բանակցությունների հերթական փուլն անցկացնելու համար
13:56
10 Հունվարի 2023
ՌԴ ռազմական ներկայությունը ՀՀ-ում սպառնալիքնե՞ր է ստեղծում Հայաստանի անվտանգության համար. Փաշինյանը մեկնաբանել է
Փաշինյանն անդրադարձել է այն թեզին, թե Ռուսաստանի ռազմական ներկայությունը սպառնալիք է ստեղծում Հայաստանի անվտանգության համար
13:22
10 Հունվարի 2023
ՀՀ–ում ՀԱՊԿ խաղաղապահ զորավարժություն անցկացնելն այս իրավիճակում նպատակահարմար չենք համարում. Փաշինյան
Փաշինյանն ասել է, որ ՀՀ պաշտպանության նախարարը ՀԱՊԿ միավորված շտաբին գրավոր տեղեկացրել է, որ մենք Հայաստանում նման զորավարժություններ անցկացնելը այս իրավիճակում նպատակահարմար չենք համարում
09:22
07 Հունվարի 2023
ԵԱՀԿ-ում ԱՄՆ դեսպանը կոչ է արել Ադրբեջանին և ՌԴ-ին անհապաղ վերականգնել երթևեկությունը Լաչինի միջանցքով
ԵԱՀԿ-ում ԱՄՆ դեսպանը կոչով դիմել է Ադրբեջանին և ՌԴ-ին
14:29
04 Հունվարի 2023
Crisis Group-ը կանխատեսում է հայ-ադրբեջանական նոր պատերազմ 2023թ.-ին
International Crisis Group կազմակերպությունը կանխատեսում է հայ-ադրբեջանական նոր պատերազմ 2023թ.-ին