«Նաիրիտ» քիմիական գործարանի հերդեհի հետևանքով զոհերի թիվը հասել է չորսի

«Նաիրիտ» քիմիական գործարանի հերդեհի հետևանքով զոհերի թիվը հասել է չորսի, «Նովոեստի-Արմենիա» գործակալությանը հայտնեց «Շտապ օգնության» տնօրեն Արտյոմ Պետրոսյանը: «Չորրորդ զոհը հայտնաբերվել է գիշերը և տեղափոխվել դիահերձարան»,- ասաց նա:

Պետրոսյանի խոսքերով՝ տվյալ պահին հիվանդանոցում որևէ տուժած չկա, բոլորը դուրս են գրվել և ուղարկվել տուն:

Տարածաշրջանի կաուչուկի խոշորագույն հսկայի՝ «Նաիրիտի» պայթյունը որոտացել է տեղական ժամանակով ժամը 18:00-ի սահմաններում՝ երկրորդ հերթափոխի աշխատանքը սկսելու պահին:

Նախօրեին տուժել էր 17 փրկարար, որոնք եղել էին դեպքի վայրում: Նաև բուժօգնության համար դիմել էին գործարանի մի քանի աշխատակիցներ:

Կրակը հանգցնում էր 27 մարտական հաշվարկ։  Դեպքի վայրում աշխատում են քննչական մարմինների ներկայացուցիչները: Քրեական գործ հարուցելու մասին տեղեկատվություն դեռևս չի ստացվել:

«Նաիրիտ» գիտաարտարդրական միավորումը ԽՍՀՄ տարածքում քլորոպրենային կաուչուկի մենաշնորհային արտադրողն էր։ «Նաիրիտ» առևտրային անվանումով պոլիքլորոպրենը ձեռնարկությունն արտադրում է 1940 թվականից։ -0-