Երևանում 2008թ. գարնանը լույս է տեսնելու կինոարվեստի մասին ամսագրի նոր տարբերակը
Նրա խոսքերով, նոր ամսագիրը փոփոխված և լրացված տարբերակն է «Կինո պլյուս» հանդեսի, որը լույս է տեսել 2007 թվականին՝ մեկ համարով։
«Ամսագրի խմբագրակակազմի հետ առաջացած խնդիրների պատճառով հանդեսի հրատարակությունը դադարեցվեց։ Եվ մենք որոշեցինք հրատարակել ամսագրի նոր տարբերակ»,- պարզաբանեց Գևորգյանցը։
Միաժամանակ նա ավելացրեց, որ «Պլյուս կինո պլյուսը» դառնալու է Հայաստանի Կինոգործիչների միության կանոնավոր և պաշտոնական հրատարակությունը։
Գևորգյանցը տեղեկացրեց, որ նոր հանդեսի 100 էջերում ընթերցողը կգտնի ֆիլմերի, հայտնի դերասանների և փառատոնների մասին իրեն հետաքրքրող տեղեկություններ։
Բացի այդ, ամսագրի նոր տարբերակում զետեղվելու են մշակույթի բոլոր ոլորտներին, մասնավորապես, թատերարվեստին, ճարտարապետությանը և գեղանկարչությանն առնչվող հոդվածներ։
«Վերջին 20 տարիների ընթացքում հանրապետությունում նման հայերեն ամսագիր չկար»,- ավելացրեց Գևորգյանցը։
Երեք ամիսը մեկ պարբերականությամբ լույս տեսնող «Պլյուս կինո պլյուս» ամսագրի ընթերցող կարող է դառնալ 16 տարեկանից բարձր ընթերցողը։--0—
