ԵՐԵՎԱՆ, 4 հոկտեմբերի./Նովոստի–Արմենիա/. ԱՄՆ-ի և ԵՄ-ի բարձրաստիճան պաշտոնյաները Ստամբուլում հանդիպել են ռուս գործընկերների հետ՝ Լեռնային Ղարաբաղի շուրջ արտակարգ բանակցությունների համար՝ անցյալ ամիս (սեպտեմբերի 19) Ադրբեջանի ռազմական հարձակումից մի քանի օր առաջ՝ Ղարաբաղի անջատված տարածքը էթնիկ հայերից խլելու նպատակով, նշում է
POLITICO-ն:
Ըստ POLITICO–ի աղբյուրների, ԱՄՆ-ը ներկայացնում էր Լուի Բոնոն (Վաշինգտոնի Կովկասում բանակցությունների գծով ավագ խորհրդական), Տոյվո Կլաարը (տարածաշրջանում ԵՄ հատուկ ներկայացուցիչ) մասնակցում էր ԵՄ-ի անունից, իսկ Ռուսաստանն ուղարկեց Իգոր Խովաևին (Հայաստանի և Ադրբեջանի հարաբերությունների հարցով ՌԴ նախագահի հատուկ բանագնաց):
Քննարկումներին ծանոթ բարձրաստիճան դիվանագետը POLITICO-ին հայտնել է, որ հանդիպումը տեղի է ունեցել սեպտեմբերի 17-ին՝ Ադրբեջանի վրա ճնշում գործադրելու ջանքերի շրջանակում, որպեսզի Ադրբեջանը դադարեցնի Ղարաբաղի իննամսյա շրջափակմանը և թույլ տա, որպեսզի Հայաստանից ուղարկված մարդասիրական օգնության շարասյունները մտնեն ԼՂ: Դեսպանի խոսքով՝ հանդիպման ընթացքում քննարկվել է այն հարցը, թե «ինչպես կարելի է ստիպել, որպեսզի այդ անիծյալ բեռնատարները շարժվեն» և ապահովեն սննդի և վառելիքի մատակարարումըԱրցախի մոտ 100 հազ. բնակիչներին։–0–
