Փաշինյանը մեղադրել է Ադրբեջանին տարածաշրջանային կոմունիկացիաների բացումը փակուղի մտցնելու մեջ
ԵՐԵՎԱՆ, 14 դեկտեմբերի․/Նովոստի-Արմենիա/․ Ադրբեջանը փորձում է փակուղի մտցնել տարածաշրջանային կոմունիկացիաների բացման հարցը։
Այս մասին գրել է ՀՀ վարչապետ Նիկոլ Փաշինյանը Facebook-յան իր էջում։
«Ադրբեջանի նախագահի փորձերը տարածաշրջանային կոմունիկացիաների բացումը զուգահեռել Լաչինի միջանցքի հետ՝ որևէ աղերս չունի մինչ օրս այդ թեմայով տեղի ունեցած քննարկումների, ստորագրված հայտարարությունների հետ և անընդունելի է Հայաստանի համար։ Այս դիրքորոշումը հստակ կարտահայտեմ այսօր նախատեսված եռակողմ հանդիպման ընթացքում», - նշել է վարչապետը։
Հիշեցնենք, որ Փաշինյանն աշխատանքային այցով գտնվում է Բրյուսելում։ Նա առանձնազրույց է ունեցել Եվրոպական խորհրդի նախագահ Շառլ Միշելի հետ։
Այսօր Փաշինյանի, Միշելիօ և Ադրբեջանի նախագահ Իլհամ Ալիևի եռակողմ հանդիպումը:-0-
