Միրզոյան. հույս ունենք, որ առարկայական քննարկումներ կսկսվեն Հայաստան-Թուրքիա սահմանի բացման մասին

ԵՐԵՎԱՆ, 9 փետրվարի./Նովոստի-Արմենիա/. ՀՀ ԱԳ նախարար Արարատ Միրզոյանը հույս հայտնել, որ առարկայական քննարկումներ կսկսվեմ Հայաստան-Թուրքիա սահմանի բացման ուղղությամբ:

«Հայաստանի և Թուրքիայի հատուկ ներկայացուցիչների առաջին հանդիպումը ճանաչողական բնույթ ուներ։ Հույս ունեմ, որ այս անգամ արդեն առարկայական քննարկումներ կսկսվեն երկու հատուկ ներկայացուցիչների միջև։ Քննարկումներ՝ ուղղված Հայաստան-Թուրքիա սահմանի բացմանը և դիվանագիտական հարաբերությունների հաստատմանը», - ասաց ԱԳ նախարարն ԱԺ-ում՝ ներկայացնելով իր ակնկալիքները Հայաստանի և Թուրքիայի ներկայացուցիչների միջև փետրվարի 24-ին Վիեննայում կայանալիք հանդիպումից։

«Ուզում եմ մեկ անգամ էլ կրկնել՝ պաշտոնական Անկարայից այս մասին եկող ազդակները, ուղերձները, ակնարկները առավելապես դրական կոնտեքստի մեջ են, և մեր ակնկալիքներն էլ այդպիսին են»,- ասաց նա։

Միրզոյանը, խոսելով նաև մարտին Անթալիայում կայանալիք դիվանագիտական ֆորումին ՀՀ վարչապետ Նիկոլ Փաշինյանի մասնակցել-չմասնակցելու հարցի մասին, նշեց, որ դա «կարճատև փոթորիկ» էր:

Նա կարծիք հայտնեց, որ Փաշինյանի մասնակցության մասին Թուրքիայի փոխնախագահի հայտարարության տողերը կարող են սխալ թարգմանված լինել։-0-