Միրզոյան. Չավուշօղլուի հետ պայմանավորվել ենք գործընթացը տանել առաջ և պսակել այն սահմանների բացմամբ և հարաբերությունների հաստատմամբ

ԵՐԵՎԱՆ, 21 մարտի./Նովոստի–Արմենիա/. ՀՀ ԱԳ նախարար Արարատ Միրզոյանն այսօր ԱԺ արտաքին հարաբերությունների հանձնաժողովի նիստի ժամանակ անդրադարձել է Անթալիայում կայացած դիվանագիտական ֆորումին, որի շրջանակում հանդիպել է Թուրքիայի ԱԳ նախարար Մևլյութ Չավուշօղլուի հետ։

Միրզոյանը նշեց, որ Անթալիայի դիվանագիտական ֆորումի շրջանակում հանդիպել է Եվրոպական Խորհրդի նախագահ Ջոզեֆ Բորելի, Ավստրիայի արտաքին գործերի նախարար Ալեքսանդր Շալենբերգի, ինչպես նաև Թուրքիայի արտաքին գործերի նախարար Մևլյութ Չավուշօղլուի հետ։

«Մևլյութ Չավուշօղլուի հետ մեր հանդիպմանը երկուստեք կարևորվել է հարաբերությունների նորմալացման, կարգավորման գործընթացի հետագա ընթացքը, և երկու կողմերն էլ հանդիպման ընթացքում վերահաստատել են, որ պատրաստակամություն ունեն այս գործընթացն առանց նախապայմանների տանել առաջ և ի վերջո պսակել այն հարաբերությունների հաստատմամբ և երկրների միջև սահմանների բացմամբ», – ասաց Միրզոյանը։–0–