ԵՐԵՎԱՆ, 1 հունիսի./Նովոստի–Արմենիա/. Մեծ Բրիտանիան կոչ է անում Հայաստանին ու Ադրբեջանին անհապաղ դուրս բերել զորքերը, հայտարարել է Միացյալ Թագավորության Եվրոպական հարևանության և Ամերիկայի հարցերով մշտական նախարար Ուենդի Մորթնը։
«Մենք խորապես մտահոված ենք Հայաստանի և Ադրբեջանի սահմանին շարունակվող լարվածությամբ։ Մեծ Բրիտանիան կոչ է անում երկու կողմերին անհապաղ դուրս բերել զորքերը, խուսափել էսկալացիայից և նոր ականներ տեղադրելուց, սկսել կառուցողական բանակցություններ առանց նախապայմանների սահմանների դեմարկացիայի հարցով», – գրել է Մորթնը Twitter–ում։–0–