ԵՐԵՎԱՆ, 30 ապրիլի. /Նովոստի Արմենիա/. Ապրիլի 30-ին՝ ամերիկյան կողմի նախաձեռնությամբ հեռախոսազրույց է տեղի ունեցել ԱԳ նախարարի պաշտոնակատար Էդվարդ Նալբանդյանի և ԱՄՆ պետքարտուղարի Եվրոպայի և Եվրասիայի հարցերով տեղակալ Ուես Միթչելի միջև, հայտնում է ՀՀ ԱԳՆ մամուլի ծառայությունը:
Զրուցակիցներն անդրադարձան Հայաստանում տեղի ունեցող ներքաղաքական զարգացումներին։ ԱԳՆ ղեկավարն ու պետքարտուղարի տեղակալը համակարծիք էին, որ ստեղծված իրավիճակի լուծման ուղղությամբ ձեռնարկվող ջանքերը պետք է ընթանան ՀՀ Սահմանադրության շրջանակներում:
«Ինչ վերաբերում է ռազմաքաղաքական վերնախավի փոփոխությանը, ապա ինձ թվումա, որ մեր զինված ուժերի անձնակազմի կայունությանը ոչինչ չի սպառնում: Կարծում եմ որ Ադրբեջանում ոչ թե ուրախանալու, այլ անհանգստանալու առիթ ունեն, որովհետև այս քաղաքական պրոցեսները, անդհանուր առմամբ, կարծում եմ, էականորեն, բարձրացրել են մեր ազգային ոգին: Եթե անգամ Ադրբեջանում ուրախացել են, կարծում եմ, որ իրենք նույնպես իրավիճակը սխալ են գնահատում», - նշեց Փաշինյանը:
Ապրիլի 28–ին ՀՀ ԱԺ փոխխոսնակ, ՀՀԿ գործադիր մարմնի անդամ Էդուարդ Շարմազանովը հայտարարեց, որ ՀՀԿ–ն թեկնածու չի առաջադրի վարչապետի ընտրություններում։ Նույն օրը «Բարգավաճ Հայաստան» կուսակցության և «Ծառուկյան» խորհրդարանական դաշինքի առաջնորդ Գագիկ Ծառուկյանը հայտարարեց, որ «Ծառուկյան» դաշինքը կաջակցի ժողովրդի թեկնածուին վարչապետի ընտրություններում։ ՀՅԴ–ն ևս որոշում է ընդունել աջակցել Նիկոլ Փաշինյանի թեկնածությանը։
Էդվարդ Նալբանդյանն ու Ուես Միթչելը մտքեր փոխանակեցին ղարաբաղյան հակամարտության գոտում իրավիճակի շուրջ։ Զրուցակիցները վերահաստատեցին իրավիճակի լարման բացառման անհրաժեշտությունը և այս առումով կարևորեցին ԵԱՀԿ Մինսկի խմբի համանախագահների վերջին հայտարարությունը։
Նշվում է նաև, որ հեռախոսազրույցի ընթացքում անդրադարձ կատարվեց հայ-ամերիկյան բարեկամական գործընկերության առավել խորացման ուղղությամբ համատեղ քայլերին:-0-