«Protect The Land». առաջին անգամ 15 տարում՝ SOAD-ը երկու հզոր երգ է թողարկել Արցախում պատերազմի մասին (ՖՈՏՈ, ՎԻԴԵՈ)
14:40
06 Նոյեմբերի 2020
ԵՐԵՎԱՆ, 6 նոյեմբերի./Նովոստի-Արմենիա/. System of a Down ռոք խմբի ղեկավար, անվանի երաժիշտ Սերժ Թանկյանը հայտնել է, որ 15 տարվա մեջ առաջին անգամ խումբը թողարկել է երկու նոր երգ և դրանք նվիրել Արցախին և Հայաստանին:
«Մենք, որպես System Of A Down, 15 տարվա մեջ առաջին անգամ նոր երաժշտություն ենք թողարկել: Հիմա դա անելու ժամանակն է, քանի որ մենք չորսով միասին ասելիք ունենք: Այս երկու երգերը ՝ «Protect The Land» և «Genocidal Humanoidz», պատմում են սարսափելի և լուրջ պատերազմի մասին, որը մղվում է մեր մշակութային հայրենիքում ՝ Արցախում և Հայաստանում », - գրել է Թանկյանը Facebook-յան իր էջում:
Ըստ նրա ՝ ներկայում Ադրբեջանում նախագահ Իլհամ Ալիևի և Թուրքիայում նախագահ Ռեջեփ Էրդողանի կոռումպացված վարչակարգերը ոչ միայն ցանկանում են Արցախը և Հայաստանը հռչակել իրենց սեփականությունը, այլ նաև անպատիժ մնալով կատարել են ցեղասպանության գործողություններ մարդկության և բնության դեմ ՝ իրենց նպատակին հասնելու համար:
«Նրանք խաղադրույքներ են կատարում, որ աշխարհը չափազանց զբաղված է COVID-ով, ընտրություններով և քաղաքացիական անկարգություններով՝ իրենց ոճրագործություններին արձագանքելու համար: Նրանք ունեն ռեսուրսներ և սկսեցին զանգվածային հասարակական արշավներ՝ իրենց բարբարոսական ցեղասպան նպատակը թաքցնելու համար: […] Մենք այստեղ ենք՝ պաշտպանելու մեր հողը, մեր մշակույթը և մեր ազգը: Հիմա մեր աչքերը փակելու ժամանակը չէ », - գրել է Թանկյանը Facebook-յան իր էջում:
Նա նշել է, որ այն, ինչ տեղի է ունենում, դարձել է անհավատալի պատճառ SOAD- ի համար, որպեսզի բոլոր գործերը մի կողմ դնի և չորսն էլ՝ որպես հայ տղաներ, մի մարդու պես հանդես գան հանուն իրենց ազգի:
««Protect The Land» -ը և «Genocidal Humanoidz»- ն այժմ հասանելի են գնման համար մեր պաշտոնական Bandcamp էջում `systemofadown.bandcamp.com - որտեղից խմբի հասույթը գնում է ArmeniaFund (Հայաստան համահայկական հիմնադրամ): Bandcamp-ից և մեր ապրանքի նախնական պատվերներից ստացված հասույթը կօգտագործվի այս սարսափելի գործողություններից տուժածների համար ծայրահեղ անհրաժեշտ օգնության և առաջին անհրաժեշտության առարկաների ձեռք բերման համար: Խնդրում եմ, այս երգերը ներբեռնելու հնարավորությունը ընդունեք որպես բարեգործություն, անկախ նրանից ՝ այսօր որոշեք լսել դրանք, վաղը կամ առաջիկա տարիներին », - իր հետևորդներին կոչ է արել խմբի մենակատարը:-0-
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները
Արցախի պետական ինստիտուտները Հայաստանում գործում են՝ ի՞նչ անեն, ի՞նչ ֆունկցիա պետք է իրականացնեն, Հայաստանի Հանրապետություն կա, որի ինստիտուտները գործում են, հայտարարել է ՀՀ նախագահը․ ՎԻԴԵՈ