ԵՐԵՎԱՆ, 29 հոկտեմբերի./Նովոստի-Արմենիա/. ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը հինգշաբթի մամուլի ասուլիսի ժամանակ քննադատել է միջազգային հանրության արձագանքն Արցախի դեմ Ադրբեջանի և Թուրքիայի ագրեսիային:
Загружается новость ... "Лево"
«Ցավոք, մենք բախվել ենք միջազգային հիասթափեցնող արձագանքի, բայց եթե լինենք իրատես, ապա սա սպասելի արձագանք էր, այսինքն, անտարբեր հայտարարությունները սպասելի էին, եթե դիտարկենք Թուրքիայի հետ այդ երկրների հարաբերությունները»,- հայտնել է նա:
Թուրքագետն ընդգծել է Ֆրանսիայի, Հունաստանի և Կիպրոսի անկեղծ հայտարարությունները, սակայն նշել, որ մարդկային արժեքներից հրաժարում են ներկայացնում մի շարք երկրների հայտարարությունները, որոնք ներկայացվել են որպես առաջնահերթ:
«Մեծ Բրիտանիայի լռությունն ու վարքը ընդհանրապես ընդունելի չեն, չնայած, եթե առաջնորդվենք քաղաքական իրողություններով, ապա կարող ենք ասել, որ դա ավելի քան սպասելի էր»,- հայտնել է Մելքոնյանը:
Ընդ որում, նա ուշադրությունը հրավիրել է երկերեսանիության դրսևորումների վրա:
«Մասնավորապես, եթե մանրակրկտորեն ուսումնասիրենք Bayraktar մահաբեր անօդաչուն, ապա այն, թուրքական լինելով հանդերձ, բաղկացած է ամերիկյան, բրիտանական, կանադական, գերմանական դետալներից; Ինչո՞ւ եմ ես խոսում երկերեսանիության մասին: Այդ երկրները հայտարարում են, որ Թուրքիային ԱԹՍ-ների դետալներ վաճառելիս նրանք չգիտեին, թե ինչի համար են դրանք կիրառվելու: Դա չունի որևէ տրամաբանական բացատրություն և խոսում է նրանց երկերեսանիության մասին: Ադրբեջանին կամ Թուրքիային զենք կամ դետալներ վաճառելը նույն բանն է, ինչ ահաբեկչական խմբավորումներին զենք մատակարարելը»,- հայտնել է թուրքագետը: -0-