ԵՐԵՎԱՆ, 9 ապրիլի. /Նովոստի–Արմենիա/. Արցախը նշել է երկու տարբերակ, որոնց դեպքում Ադրբեջանի դրոշը կարող է ծածանվել Ստեփանակերտում, գրում է «168 ժամ» թերթը։
Ադրբեջանի փոխնախագահ Մեհրիբան Ալիևը հանդես է եկել ռազմատենչ հայտարարությամբ, ասելով, որ Արցախի յուրաքանչյուր գյուղում ծածանվելու է Ադրբեջանի դրոշը։ Արցախի նախագահի խոսնակ Դավիթ Բաբայանը նշել է, որ դրա համար կա միայն երկու տարբերակ։
«Առաջինը` ճանաչեն Արցախի Հանրապետության անկախությունը, որից հետո կարող են դեսպանատուն բացել կամ հյուպատոսական ծառայություն։ Երկրորդը` որպես ռազմագերիներ, իրենց դրոշների հետ կքայլեն մեր հրապարակում մեր հաղթական շքերթի ժամանակ, այլ տարբերակ չկա»,– ասել է Բաբայանը։
Ինչպես կարծում է նախագահի մամուլի խոսնակը, եթե Ալիևան, լինելով կին, նման հայտարարություններ է անում, մենք կարող ենք իմանալ և պատկերացնել, «թե այդ երկրում ինչպիսի հոգեբանական վիճակ է, որտեղ ֆաշիզմը, փաստորեն, պետական գաղափարախոսություն է»։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում