ԵՐԵՎԱՆ, 28 նոյեմբերի./Նովոստի-Արմենիա/. Արցախի արտակարգ իրավիճակների պետական ծառայությունը հայտնում է Արցախի շրջաններում ականների, չպայթած ռումբերի և հրթիռների վնասազերծման մասին:
«Իրազեկում ենք, որ այսօր, ժամը 11։45-ին Ասկերանի շրջանի Խնածախ համայնքի տարածքում և Ստեփանակերտի Կրկժան թաղամասում կիրականացվի ականների, չպայթած ռումբերի և հրթիռների վնասազերծում»,- նշվում է Facebook-ում տարածված հաղորդագրության մեջ:
ԱԻ պետական ծառայության սակրավորական խմբերը զենք-զինամթերքը հավաքել են բնակավայրերին հարող տարածքներից։
«Պայթյուն լսելու դեպքում խնդրում ենք խուճապի չմատնվել։ Սակրավորներն են աշխատում: Միաժամանակ հորդորում ենք որևէ զենք կամ անծանոթ իր հայտնաբերելու դեպքում, անհապաղ զանգահարեք ծառայության 911 ահազանգման կենտրոն»,- նշում են ԱԻՊԾ-ից:-0-
