ԵՐԵՎԱՆ, 3 հոկտեմբերի․ /Նովոստի-Արմենիա/․Սիրիան նախազգուշացնում է Լեռնային Ղարաբաղի շուրջ Հայաստանի և Ադրբեջանի միջև հակամարտությանը Անկարայի միջամտության վտանգավոր հետևանքների մասին: Այս մասին ասված է Արաբական Հանրապետության Արտաքին գործերի նախարարության հայտարարության մեջ, որը հրապարակել է ՏԱՍՍ-ը՝ հղում անելով SANA գործակալությանը:
«Թուրքիան նպատակ է հետապնդում ավելի բորբոքել Լեռնային Ղարաբաղի հակամարտությունը: Անկարայի գործողություններն ամենուր հանգեցնում են լարվածության աճի և կրոնական հակասությունների սրման», - ասվում է փաստաթղթում:
Սիրիան Երևանին և Բաքվին կոչ է անում «միջոցներ ձեռնարկել ռազմական էսկալացիան նվազեցնելու և տարաձայնությունների խաղաղ կարգավորման ուղղությամբ»:
«Ադրբեջանի կառավարությունը պետք է զգոն լինի, որպեսզի չընկնի թուրքական ծուղակը և չպատասխանի հակամարտության զսպման և երկխոսության վերադառնալու հայկական նախաձեռնություններին», - ընդգծում է Սիրիայի ԱԳՆ-ն:-0-