«Դուք լավ չեք պատկերացնում, թե Արցախի հայերը որքան ուժեղ են». Ռուբեն Վարդանյանը BBC–ի եթերում` արցախահայերի վճռականության մասին
23.01.2023,
15:57
Ռուբեն Վարդանյանը BBC հեռուստաընկերության Hard Talk ծրագրում հարցազրույցի ժամանակ հայտարարել է, որ արցախահայերը շատ վճռական են տրամադրված մնալու իրենց հայրենիքում
ԵՐԵՎԱՆ, 23 հունվարի./Նովոստի–Արմենիա/. Արցախի պետնախարար Ռուբեն Վարդանյանը BBC հեռուստաընկերության Hard Talk ծրագրում հարցազրույցի ժամանակ հայտարարել է, որ արցախահայերը շատ վճռական են տրամադրված մնալու իրենց հայրենիքում։
«Դուք լավ չեք պատկերացնում, թե Արցախի հայերը որքան ուժեղ են; Մենք հազարավոր տարիներ այստեղ ենք ապրում և շատ վճռական ենք տրամադրված մնալու մեր հայրենիքում։ Ինչպես ասացի, 35 տարի է, ինչ այս կռիվը շարունակվում է, և մենք պաշտպանում ենք մեր տարածքը և հավատում ենք մեր արժեքներին: Չնայած բոլոր դժվարություններին, որոնց մենք բախվում ենք, հավատում եմ, որ ժողովուրդը ամուր կկանգնի և նվիրված կմնա սեփական հայրենիքին», – ասել է նա` պատասխանելով այն դիտարկմանը, թե տպավորություն է, որ եթե այդպես շարունակվի, «տարածքը երկար ժամանակ չի կարող գոյատևել։ Մարդիկ տառապելու են, և դա չի կարող շարունակվել»։
Պատասխանելով այն հարցին, թե ինչու է Վարդանյանը տարածքն անվանում Արցախ այն դեպքում, երբ Ադրբեջանի կառավարությունը ինչպես նաև միջազգային հանրությունը այն անվանում են Լեռնային Ղարաբաղ ` Վարդանյանը հայտարարել է, որ եթե նայեք 80-ականների Ադրբեջանի Խորհրդային Հանրապետության պատմության դասագրքերը, ապա նույն Արցախ անունը հիշատակվում է որպես հայկական տարածք։
Խոսելով այն մասին, թե ինչու ռուս խաղաղապահները չեն բացում ճանապարը` Արցախի պետնախարարը հայտարարել է, որ ընդամենը 2000 խաղաղապահ կա, և նրանք ունեն զենք օգտագործելու շատ սահմանափակ մանդատ, և ճանապարհը փակել են ֆորմալ առումով «էկոակտիվիստները», որոնք քաղաքացիական անձինք են։
«Առանց պատրանքների, զինվորների քանակը քիչ է, նրանք միայն թեթև զենք ունեն, և կրակելու իրավունք չունեն։ Ահա ինչու, ցանկացած խաղաղապահի դեպքում միշտ շատ դժվար է միջամտել երկու կողմերի միջև, եթե հակամարտությունը շարունակվում է», – պարզաբանել է Վարդանյանը։
Միաժամանակ Արցախի պետնախարարն ընդգծել է, որ հայկական կողմը հետևում է 2020թ.–ի նոյեմբերի 9–ին ստորագրված եռակողմ հայտարարությանը Հայաստանի, Ռուսաստանի և Ադրբեջանի միջև, որն այսօր Ադրբեջանն ամբողջությամբ խախտում է։
«Որովհետև նրանք երաշխավորել են բաց ճանապարհ Արցախում ապրող հայերի համար առանց որևէ վերահսկողության, և այժմ դալիովին խախտում են», – ընդգծել է նա։–0–
«Դուք լավ չեք պատկերացնում, թե Արցախի հայերը որքան ուժեղ են; Մենք հազարավոր տարիներ այստեղ ենք ապրում և շատ վճռական ենք տրամադրված մնալու մեր հայրենիքում։ Ինչպես ասացի, 35 տարի է, ինչ այս կռիվը շարունակվում է, և մենք պաշտպանում ենք մեր տարածքը և հավատում ենք մեր արժեքներին: Չնայած բոլոր դժվարություններին, որոնց մենք բախվում ենք, հավատում եմ, որ ժողովուրդը ամուր կկանգնի և նվիրված կմնա սեփական հայրենիքին», – ասել է նա` պատասխանելով այն դիտարկմանը, թե տպավորություն է, որ եթե այդպես շարունակվի, «տարածքը երկար ժամանակ չի կարող գոյատևել։ Մարդիկ տառապելու են, և դա չի կարող շարունակվել»։
Պատասխանելով այն հարցին, թե ինչու է Վարդանյանը տարածքն անվանում Արցախ այն դեպքում, երբ Ադրբեջանի կառավարությունը ինչպես նաև միջազգային հանրությունը այն անվանում են Լեռնային Ղարաբաղ ` Վարդանյանը հայտարարել է, որ եթե նայեք 80-ականների Ադրբեջանի Խորհրդային Հանրապետության պատմության դասագրքերը, ապա նույն Արցախ անունը հիշատակվում է որպես հայկական տարածք։
Խոսելով այն մասին, թե ինչու ռուս խաղաղապահները չեն բացում ճանապարը` Արցախի պետնախարարը հայտարարել է, որ ընդամենը 2000 խաղաղապահ կա, և նրանք ունեն զենք օգտագործելու շատ սահմանափակ մանդատ, և ճանապարհը փակել են ֆորմալ առումով «էկոակտիվիստները», որոնք քաղաքացիական անձինք են։
«Առանց պատրանքների, զինվորների քանակը քիչ է, նրանք միայն թեթև զենք ունեն, և կրակելու իրավունք չունեն։ Ահա ինչու, ցանկացած խաղաղապահի դեպքում միշտ շատ դժվար է միջամտել երկու կողմերի միջև, եթե հակամարտությունը շարունակվում է», – պարզաբանել է Վարդանյանը։
Միաժամանակ Արցախի պետնախարարն ընդգծել է, որ հայկական կողմը հետևում է 2020թ.–ի նոյեմբերի 9–ին ստորագրված եռակողմ հայտարարությանը Հայաստանի, Ռուսաստանի և Ադրբեջանի միջև, որն այսօր Ադրբեջանն ամբողջությամբ խախտում է։
«Որովհետև նրանք երաշխավորել են բաց ճանապարհ Արցախում ապրող հայերի համար առանց որևէ վերահսկողության, և այժմ դալիովին խախտում են», – ընդգծել է նա։–0–
Պատճենել հղումը
