ԵՐԵՎԱՆ, 9 փետրվարի. /Նովոստի–Արմենիա/. Ուրբաթ դաժան ու ողբերգական դեպք է տեղի ունեցել Երևանում։
Իսակով 38 շենքի հարևանությամբ գտնվող ավտոտնակում՝ ավտոմեքենայի մեջ, դիեր են հայտնաբերվել, հայտնում է shamshyan.com–ը։
Դեպքի վայր մեկնած ոստիկաններն ու քննիչները նշված ավտոտնակում կայանված Opel ավտոմեքենայի առջևի նստատեղերում հայտնաբերել են 39-ամյա Հակոբ Վ.-ի և 41-ամյա Լուսինե Ա.-ի դիերը։ Փաստի առթիվ նյութեր են նախապատրաստվում։
Загружается новость ...
"Право"
Աղբյուրի հաղորդմամբ, Հակոբ Վ.-ն երեկվանից որպես անհայտ կորած որոնվում էր Ոստիկանության Մալաթիայի բաժնի կողմից։ Դատաբժշկի նախնական եզրակացության համաձայն, նրանք մահացել են շմոլ գազից։
Հավանաբար, ավտոմքենայի մեջ միացրել են շարժիչը, որպեսզի տաքանան ու, քանի որ ավտոտնակի դուռն էլ փակել են, արտանետված գազը կուտակվել է մեքենայում և ավտոտնակում, ինչն էլ դարձել է ողբերգական մահվան պատճառ։ -0-