Երևանում Ford–ը հայտնվել է գետի մեջ, օգնության են հասել փրկարարները

ԵՐԵՎԱՆ, 14 հունիսի./Նովոստի–Արմենիա/. Հունիսի 14-ին, ժամը 10:12-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի «Կորեայի ձորում»՝ կամրջի մոտակայքում, «Ford Transit» մակնիշի ավտոմեքենան հայտնվել է գետի մեջ, հաղորդում է ՀՀ ԱԻՆ Փրկարար ծառայությունը:

«Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը», – նշվում է գերատեսչության հաղորդագրության մեջ։