ԵՐԵՎԱՆ, 26 հունիսի./Նովոստի–Արմենիա/. Երեկ՝ հունիսի 25-ին, խոշոր ավտովթար է տեղի ունեցել Երևանում։
Загружается новость ... "Лево"
Shamshyan.com–ի հաղորդմամբ, ժամը 07։00-ի սահմաններում Տիգրան Մեծի պողոտայի թիվ 52 հասցեի դիմաց բախվել են դեռևս անհայտ վարորդի կողմից վարած Infiniti, Երևանի բնակիչներ 45-ամյա Արմեն Մկրտչյանի վարած Hyundai, 49-ամյա Գևորգ Հովհաննիսյանի վարած Opel, անհայտ վարորդների կողմից վարած Nissan և Mazda մակնիշների ավտոմեքենաները։
Վթարի հետևանքով Ա. Մկրտչյանը, Երևանի բնակիչ 25-ամյա Գրիգոր Եղոյանը և 26-ամյա Լուսինե Ավետիսյանը մարմնական վնասվածքներով տեղափոխվել են «Էրեբունի» բժշկական կենտրոն։
Փաստի առթիվ նյութեր են նախապատրաստվում։ Ոստիկանությունը ձեռնարկում է անհրաժեշտ օպերատիվ միջոցառումներ՝ մյուս ավտոմեքենաների վարորդների ինքնությունը պարզելու ուղղությամբ։–0–