Երևանի շենքերից մեկում ուժեղ հրդեհ է, բնակիչները տարհանվում են
ԵՐԵՎԱՆ, 19 հուլիսի․/Նովոստի-Արմենիա/․ Հուլիսի 19-ին, ժամը 18։48-ին Ճգնաժամային կառավարման ազգային կենտրոն ահազանգ է ստացվել, որ Երևանի Էրեբունի փողոցում այրվում է հինգ հարկանի շենքի տանիք, հաղորդում է ՀՀ ԱԻՆ Փրկարար ծառայությունը։
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, ավտոսանդուղք և Հրդեհաշիջման և փրկարարական աշխատանքների կազմակերպման բաժնի հերթապահ խումբը։
«Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երեք մարտական հաշվարկ», - նշվում է գերատեսչության հաղորդագրության մեջ։
Փրկարարները ոստիկանների հետ համատեղ տարահանել են 15 բնակչի։
Հրդեհը մեկուսացվել է ժամը 19։51-ին, մարվել՝ 20։17-ին։ Այրվել են շենքի տանիքի փայտե կառուցատարրերը (մոտ 400 քմ)։-0-
