Երևանի մանկապարտեզում 6-ամյա երեխային բռնության ենթարկելու մեջ կասկածվող դայակից վերցրվել է ստորագրություն չհեռանալու մասին. ՔԿ-ն մեկնաբանել է (էՔՍԿԼՅՈւԶԻՎ)

ԵՐԵՎԱՆ, 7 փետրվարի./Նովոստի-Արմենիա/. 6-ամյա երեխայի նկատմամբ դաժան վերաբերմունքի մեջ կասկածվող դայակի նկատմամբ որպես խափանման միջոց է ընտրվել ստորագրություն չհեռանալու մասին։ Այս մասին «Նովոստի–Արմենիա» գործակալությանը հայտնեց Քննչական կոմիտեի մամուլի քարտուղար Վարդան Թադևոսյանը։

«Նախ քննիչները դայակի նկատմամբ խափանման միջոց են ընտրել տեղից չհեռանալու մասին ստորագրություն, ուղարկել դատախազին, ով կայացրել է կալանավորման որոշումը և ներկայացրել դատարան։ Դատարանը մերժել է կալանավորումը և հաստատել չհեռանալու մասին ստորագրությունը», - ասաց նա:

Թադևոսյանը չհաստատեց մամուլում շրջանառվող տեղեկություններն այն մասին, որ երեխայի հետ կապված պատմությունը հորինել է մայրը՝ Գերմանիայում ապաստան ստանալու համար, որտեղ ապրում է կնոջ քույրը և որ մայրն արգելում է ծագումով պակիստանցի հորը տեսնել երեխային:

Ավելի վաղ հայտնել էինք, որ հունվարի 31-ին Ա. Հ.-ն հաղորդում է տվել այն մասին, որ 2019թ մարտից մինչև 2021թ հոկտեմբերի 14-ը դուստրը՝ Է. Ու-ն հաճախել է Երևան քաղաքի մանկապարտեզներից մեկը, որտեղ դայակներ Ռ. Ղ.-ն, Ս. Կ.ն և դաստիարակներ Ի. Ա-ն եւ Ա. Կ.-ն հաշվի առնելով երեխայի հոր պակիստանցի լինելու հանգամանքը՝ պարբերաբար խմբի երեխաների միջոցով խոշտանգումների են ենթարկել վերջինիս:

Ըստ նույն աղբյուրի, երեխայի նկատմամբ կատարել են բռնի սեռական գործողություններ, պարանով ձեռքերը և պարանոցը կապելու եղանակով երկաթյա տաք խաղալիքով այրել նրա կրծքավանդակը, երեխային հարկադրել են ուտել հող, խոտ, կղանք, ինչի արդյունքում երեխային պատճառվել է ֆիզիկական ցավ և հոգեկան տառապանք:

ՔԿ-ում հարուցվեց քրեական գործ: Ավելի ուշ ԶԼՄ-ները սկսեցին հերքել այս լուրերը՝ նշելով, որ մայրը հորինել է այս ամբողջ պատմությունը՝ Գերմանիայում ապաստան ստանալու համար:-0-