Խոշոր ավտովթար Երևանի գլխավոր պողոտաներից մեկում՝ 5 մեքենաների մասնակցությամբ. հրապարակվել են վթարի պահի կադրերը (ՎԻԴԵՈ)
21:08
15 Մարտի 2022
ԵՐԵՎԱՆ, 15 մարտի./Նովոստի-Արմենիա/. Մարտի 13-ին խոշոր ու շղթայական ավտովթար էր տեղի ունեցել Երևանում:
Shamshyan.com-ի հաղորդմամբ, ժամը 20:40-ի սահմաններում, Մյասնիկյան պողոտայում՝ «Բելաջիո» ռեստորանային համալիրի դիմաց և նրան հարակից կամրջի տակ, բախվել են Mercedes-CLS, BMW-325, Nissan Fuga, Peugeot և Opel Astra մակնիշի ավտոմեքենաները:
Վթարի հետևանքով Mercedes-ի վարորդը, նրա ուղևոր, Երևանի բնակիչ, 27-ամյա Արսեն Հակոբյանը վարորդներից Վ. Ղուկասյանը, նրա ուղևոր, Երևանի բնակիչ, 29-ամյա Հայկ Սուլթանյանն ու վարորդներից Ա. Ղազարյանը մարմնական վնասվածքներով տեղափոխվել են թիվ 1 համալսարանական հիվանդանոց:
Կայքի հաղորդմամբ, փաստի առթիվ նյութեր են նախապատրաստվում:-0-
