ԵՐԵՎԱՆ, 26 հունիսի./Նովոստի–Արմենիա/. Այսօր՝ հունիսի 26-ին, խոշոր ավտովթար է տեղի ունեցել Արագածոտնի մարզում:
Загружается новость ... "Лево"
Shamshyan.com–ի հաղորդմամբ, –ամը 18:00-ի սահմաններում Երևան-Գյումրի ավտոճանապարհի 33-րդ կմ հատվածում Արթիկ-Երևան երթուղին սպասարկող թիվ 360 մարդատար ԳԱԶԵԼ-ը դուրս է եկել ճանապարհի երթևեկելի գոտուց, բախվել քարերին և կողաշրջվել:
Վթարի հետևանքով 1 մարդ մարմնական վնասվածքով տեղափոխվել է «Աշտարակ» բժշկական կենտրոն:
Փաստի առթիվ նյութեր են նախապատրաստվում:
Կայքի հաղորդմամբ, դեպքի վայրում ճանապարհային ոստիկաններին է մոտեցել BMW մակնիշի ավտոմեքենայի վարորդը և հայտնել է, որ ինքն է
ԳԱԶԵԼ-ի վարորդի համար վթարային իրավիճակ ստեղծել: Հետաքննիչի կարգադրությամբ ավտոմեքենաները տեղափոխվել են ոստիկանության Աշտարակի բաժնի պահպանվող հատուկ տարածք: Ոստիկանությունը պարզում է վարորդների և վիրավորի ինքնությունը:–0–
